August 13, 2023
August 13, 2023
ന്യൂസ്‌റൂം ബ്യൂറോ
ദോഹ: അൽ ദബാബിയ സ്ട്രീറ്റിൽ ദിവസവും രാത്രി 8 മണിക്കൂർ വീതം ഗതാഗത നിയന്ത്രണം ഏർപ്പെടുത്തുമെന്ന് പൊതുമരാമത്ത് അതോറിറ്റി അഷ്ഗാൽ അറിയിച്ചു. അൽ ഖഫ്ജി സ്ട്രീറ്റിൽ നിന്ന് ദുഹൈൽ സ്ട്രീറ്റിലേക്ക് പോകുന്ന റോഡാണ് താൽക്കാലികമായി അടക്കുന്നത്.
ആഗസ്റ്റ് 16 മുതൽ സെപ്റ്റംബർ 2 വരെ എല്ലാ ദിവസവും രാത്രി 10 മുതൽ രാവിലെ 6 വരെ എട്ട് മണിക്കൂർ സമയത്തേക്ക് വാഹനങ്ങൾ കടത്തി വിടുന്നതല്ല. നിർമാണപ്രവർത്തനങ്ങൾ പൂർത്തിയാക്കുന്നതിനാണ് നിയന്ത്രണം.
ഈ സമയങ്ങളിൽ, അൽ ദബാബിയ സ്ട്രീറ്റിലേക്ക് പോകേണ്ടവർ അൽ ഖഫ്ജി സ്ട്രീറ്റിലേക്ക് തിരിഞ്ഞു പോകാവുന്നതാണ്.അൽ ഷെഫലാഹിയ സ്ട്രീറ്റ് വഴി ദുഹൈൽ സ്ട്രീറ്റിലേക്ക് കടന്ന് വലത്തേക്ക് തിരിഞ്ഞ് അൽ ദബാബിയ സ്ട്രീറ്റ് വഴി ലക്ഷ്യസ്ഥാനത്തെത്താം.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/DoTp5mITouhJcwHKcDKLsm
