August 09, 2023
August 09, 2023
ഖദീജ അബ്രാർ
ദോഹ : ഗ്രീൻ ലൈനിലെ നെറ്റ്‌വർക്ക് സേവനങ്ങളിൽ മാറ്റങ്ങൾ വരുത്തിയതായി ദോഹ മെട്രോ അറിയിച്ചു. ഓഗസ്റ്റ് 11-ന് ഗ്രീൻ ലൈൻ മെട്രോവിന് പകരം ബസുകൾ സർവീസ് നടത്തും.അറ്റകുറ്റ പണികൾക്കായാണ് സർവീസിൽ മാറ്റം വരുത്തുന്നത്.
യാത്രക്കാരുടെ സൗകര്യത്തിനായി ഓരോ 10 മിനിറ്റിലും മൂന്ന് റൂട്ടുകളിലൂടെ ബസുകൾ സർവീസ് നടത്തും. അൽ ബിദ്ദയിൽ നിന്ന് അൽ റിഫ മാളിലേക്കുള്ള വൺവേ, അൽ റിഫ മാളിൽ നിന്ന് അൽ ബിദ്ദയിലേക്കുമുള്ള മടക്കയാത്ര,അൽ മൻസൂറ ദോഹ അൽ ജദീദ റൂട്ടുകളിലെ ഷട്ടിൽ സർവീസുകൾക്ക് മുടക്കമുണ്ടാവില്ല.
ഈ ബസുകൾ വൈറ്റ് പാലസ് സ്റ്റേഷനിൽ നിർത്തില്ലെന്നും ദോഹ മെട്രോ വ്യക്തമാക്കി. അതേസമയം മെട്രോ എക്‌സ്പ്രസും മെട്രോ ലിങ്കും സാധാരണ പോലെ പ്രവർത്തിക്കും.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/DoTp5mITouhJcwHKcDKLsm
