September 16, 2021
September 16, 2021
അബുദാബി∙: അബുദാബിയില് ആപ്പിന്റെ സഹായത്തോടെ വീട്ടിലെത്തി മാലിന്യം ശേഖരിക്കുന്ന നൂതന പദ്ധതിക്ക് തുടക്കം . ആപ് (GO RECAPP) ഉപയോഗിച്ച് മാലിന്യ സംസ്കരണത്തിന്റെ ഭാഗമാകുന്നവര്ക്ക് സമ്മാനവും (റിവാര്ഡ് പോയിന്റ്സ്) ലഭിക്കും.
മാലിന്യമുണ്ടെന്ന് ‘ആപ്പി’ ലൂടെ അറിയിച്ചാല് വീട്ടുപടിക്കലെത്തി മാലിന്യം ശേഖരിക്കും. വീടുകളില് മാലിന്യം കുമിഞ്ഞുകൂടുന്നതും പരിസ്ഥിതി മലിനീകരണവും ഒഴിവാക്കാമെന്ന് അധികൃതര് അറിയിച്ചു.
ഏവര്ക്കും സൗജന്യ സേവനം ഉപയോഗപ്പെടുത്തി വീടും പരിസരവും വൃത്തിയായി സൂക്ഷിക്കാം . വയോലിയ മിഡില് ഈസ്റ്റ് ആണ് നൂതന സംരംഭത്തിനു നേതൃത്വം നല്കുന്നത്. പുനരുപയോഗ വസ്തുക്കളാണ് പ്രധാനമായും ശേഖരിക്കുന്നത്.
ആപ് സ്റ്റോറില് നിന്നും ഗൂഗിള് പ്ലേ സ്റ്റോറില്നിന്നും ആപ്പ് (ഗോ റികാപ്) ആപ് ഡൗണ്ലോഡ് ചെയ്യാം. ആപ്പില് അഡ്രസ് നല്കിയാല് സംഘം വീട്ടിലെത്തും. മാലിന്യത്തിന്റെ ഭാരത്തിന് ആനുപാതികമായി പോയിന്റ്സും നേടാം. ഒരു കിലോ മാലിന്യത്തിന് 1000 പോയിന്റ് ലഭിക്കും. 5 കിലോ അതായത് 5000 പോയിന്റിന് 20 ദിര്ഹത്തിന്റെ വൗച്ചര് ലഭിക്കും. ഇതുപയോഗിച്ച് കാര് ഫോര്, അല്ഐന് വാട്ടര് എന്നിവിടങ്ങളില്നിന്ന് സാധനങ്ങള് വാങ്ങാനും സാധിക്കും
ന്യൂസ്റൂം വാർത്തകൾ മുടങ്ങാതെ ലഭിക്കാൻ ഈ ലിങ്കിൽ ക്ലിക്ക് ചെയ്യുക : ലിങ്ക്