April 07, 2020
April 07, 2020
ദുബായ് : കോവിഡ് ബാധിതരായവർക്ക് ചികിൽസയും ഭക്ഷണവും എത്തിക്കാൻ ഓടി നടക്കുന്നതിനിടെയാണ് അദ്ദേഹത്തെയും രോഗബാധ കണ്ടെത്തിയതിനെ തുടർന്ന് ആശുപത്രിയിൽ പ്രവേശിപ്പിച്ചത്.കഴിഞ്ഞദിവസം കോവിഡ് പരിശോധനക്ക് വിധേയനായ ഇദ്ദേഹത്തോട് അടിയന്തിരമായി ചികിൽസതേടാൻ ആശുപത്രി അധികൃതർ നിർദേശിക്കുകയായിരുന്നു. നസീർ വാടാനപ്പള്ളി ഫെയ്സ്ബുക്കിലൂടെയാണ് ഇക്കാര്യം അറിയിച്ചത്.
താനുൾപ്പെടെ രോഗബാധിതരായ മുഴുവൻ പേർക്കുമായി എല്ലാവരും പ്രാർഥിക്കണമെന്ന് അദ്ദേഹം ശബ്ദസന്ദേശത്തിലൂടെ ആവശ്യപ്പെട്ടു. 'ഇനിയും നിരവധി പേരെ സഹായിക്കണം എന്നുണ്ടായിരുന്നു. ആശുപത്രിയിലായതോടെ അതിന് സാധിക്കില്ല, എങ്കിലും ഫോണിലൂടെയെങ്കിലും ചെയ്യാൻ കഴിയുന്നത് ചെയ്യാൻ ശ്രമിക്കും’ - നസീർ വാടാനപ്പള്ളി പറഞ്ഞു. വർഷങ്ങളായി ദുബായിൽ സാമൂഹ്യ പ്രവർത്തനങ്ങളിൽ സജീവമായി ഇടപെടുന്ന വ്യക്തിയാണ് നസീർ.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.