February 13, 2023
February 13, 2023
അൻവർ പാലേരി
ദോഹ :അബുസമ്ര പ്രവേശന കവാടം വഴി ഖത്തറിലേക്ക് കടത്താൻ ശ്രമിച്ച മയക്കുമരുന്ന് കസ്റ്റംസ് വിഭാഗം പിടികൂടി. കാറിന്റെ യന്ത്രഭാഗങ്ങൾക്കുള്ളിൽ ഒളിപ്പിച്ചാണ് വിവിധയിനം ലഹരി ഗുളികകൾ രാജ്യത്തേക്ക് കടത്താൻ ശ്രമിച്ചതെന്ന് കസ്റ്റംസ് വിഭാഗം അറിയിച്ചു.
എട്ട് നിരോധിത പ്രെഗബാലിൻ ഗുളികകളും പത്തോളം ക്യാപ്റ്റഗോൺ ഗുളികകളുമാണ് വാഹനത്തിൽ നിന്ന് പിടികൂടിയത്.തൊണ്ടിമുതലും പ്രതികളെയും ബന്ധപ്പെട്ട അധികൃതർക്ക് കൈമാറിയിട്ടുണ്ട്.
അതേസമയം,ഏതു വിധേനയും ഖത്തറിലേക്ക് മയക്കുമരുന്ന് കടത്താൻ അന്താരാഷ്ട്ര ലഹരിമാഫിയകളും എല്ലാ വഴികളും പരീക്ഷിക്കുകയാണ്.കഴിഞ്ഞ ഏതാനും ദിവസങ്ങളായി ഇത്തരം നിരവധി ശ്രമങ്ങൾ ദോഹ രാജ്യാന്തര വിമാനത്താവളത്തിലെ കസ്റ്റംസ് വിഭാഗം പരാജയപ്പെടുത്തിയിരുന്നു.ശരീര ഭാഷ മനസിലാക്കി മയക്കുമരുന്ന് ഉൾപ്പെടെയുള്ള നിരോധിത വസ്തുക്കളുമായി വരുന്ന യാത്രക്കാരെ പിടികൂടുന്നതിനുള്ള അത്യാധുനിക റോബോട്ടിക് സംവിധാനം വരെ ഇതിനായി ഉപയോഗിക്കുന്നുണ്ട്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/LiM4EdDAtkTAmYRCb0LMz9 എന്ന ലിങ്കിൽ ജോയിൻ ചെയ്യുക