June 25, 2023
June 25, 2023
ന്യൂസ്‌റൂം ബ്യുറോ
കൈറോ :പ്രധാനമന്ത്രി നരേന്ദ്ര മോദി ഈജിപ്തിലെത്തി.യുഎസ് സന്ദര്‍ശനം പൂര്‍ത്തിയാക്കിയാണ് രണ്ടു ദിവസത്തെ സന്ദര്‍ശനത്തിനായി മോദി ഈജിപ്തിലെത്തിയത്.. കെയ്‌റോയില്‍ വിമാനമിറങ്ങിയ നരേന്ദ്ര മോദിയെ, ഈജിപ്ഷ്യന്‍ പ്രധാനമന്ത്രി മുസ്തഫ മദ്ബൂലിയുടെ നേതൃത്വത്തില്‍ ഔദ്യോഗികമായി സ്വീകരിച്ചു. പ്രധാനമന്ത്രി പദത്തിലെത്തിയശേഷം നരേന്ദ്ര മോദിയുടെ ആദ്യ ഈജിപ്ത് സന്ദര്‍ശനമാണിത്.
ഈജിപ്ഷ്യൻ പ്രസിഡന്റ് അബ്ദുൽ ഫത്താഹ് അൽ സിസിയുമായും മറ്റ് മുതിർന്ന ഉദ്യോഗസ്ഥരുമായും മോദി കൂടിക്കാഴ്ച നടത്തിയേക്കും.ഏഷ്യയിലെ ഈജിപ്തിന്റെ ഏറ്റവും വലിയ വ്യാപാര പങ്കാളിയാണ് ഇന്ത്യ, പ്രതിരോധം, സുരക്ഷ, സാംസ്കാരിക മേഖലകളിൽ ഇരു രാജ്യങ്ങൾക്കും സഹകരണത്തിന്റെ ദീർഘകാല ചരിത്രമുണ്ട്.
ഈജിപ്തിനും ഇന്ത്യക്കുമിടയിലെ വ്യാപാര ഇടപാടുകൾ 2022 ൽ 13.7ശതമാനം വർധിച്ച് 6 ബില്യൺ ഡോളറായി ഉയർന്നിരുന്നു.രണ്ടു ദിവസത്തെ നരേന്ദ്ര മോദിയുടെ സന്ദർശനത്തിനിടെ ഇരു രാജ്യങ്ങളും തമ്മിൽ നിരവധി സഹകരണ കരാറുകളിൽ ഒപ്പുവെക്കുമെന്നാണ് പ്രതീക്ഷിക്കുന്നത്.
ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/B5cRGSkveuO5fUeQTErqlq
