April 19, 2024
April 19, 2024
തെഹ്റാൻ: ഇറാനെതിരെ തിരിച്ചടിച്ച് ഇസ്രയേൽ. ഇറാനിലെ ഇസ്ഫഹാൻ നഗരത്തിലാണ് ഇസ്രയേൽ മിസൈൽ ആക്രമണം നടത്തിയത്. വെള്ളിയാഴ്ച പുലർച്ചെ, ഉഗ്ര സ്ഫോടനം ഉണ്ടായതാണ് റിപ്പോർട്ട്. മിസൈൽ ആക്രമണത്തെ തുടര്ന്ന് ഇറാനിലെ പ്രധാന നഗരങ്ങളിൽ വ്യോമഗതാഗതം നിർത്തിവച്ചു. രാജ്യം അതീവ ജാഗ്രതയിലാണ്.
അതേസമയം, ഇറാൻ പിടിച്ചെടുത്ത കപ്പലിലെ നാവികർക്ക് മടങ്ങാൻ തടസ്സമില്ലെന്ന് സർക്കാർ വൃത്തങ്ങൾ അറിയിച്ചു. 16 ഇന്ത്യക്കാർ കപ്പലിൽ തുടരുന്നത് കപ്പൽ നിയന്ത്രിക്കാൻ ജീവനക്കാർ വേണം എന്നതിനാൽ മാത്രമാണ്. ജീവനക്കാർക്ക് എപ്പോൾ വേണമെങ്കിലും മടങ്ങാമെന്ന് ഇറാൻ അറിയിച്ചു. പശ്ചിമേഷ്യൻ സംഘർഷം അവസാനിപ്പിക്കാൻ ഇന്ത്യ ഇടപെടണമെന്നും ഇറാൻ ആവശ്യപ്പെട്ടു.
അതേസമയം,ഇസ്ഫഹാൻ നഗരത്തിനടുത്തുള്ള ആണവ കേന്ദ്രത്തിൽ സ്ഫോടനത്തിൻ്റെയോ നാശനഷ്ടങ്ങളുടെയോ സൂചനയില്ലെന്ന് ഇറാൻ സർക്കാർ ഉടമസ്ഥതയിലുള്ള വാർത്താ ശൃംഖലയായ പ്രസ് ടിവി റിപ്പോർട്ട് ചെയ്തു, ഇസ്ഫഹാൻ്റെ വടക്കുള്ള നതാൻസിലാണ് ഇറാൻ്റെ പ്രധാന ആണവ കേന്ദ്രം സ്ഥിതിചെയ്യുന്നത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/Iq3CVicSDrS1LvIBvvkToc
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F