June 20, 2023
June 20, 2023
ന്യൂസ്റൂം ബ്യുറോ
ദോഹ :നിയമവിരുദ്ധമായ വെയർഹൗസുകളും നിയമം ലംഘിച്ചു നടത്തിയ കെട്ടിട പാർട്ടീഷനുകളും പിടിച്ചെടുത്തതായി മുനിസിപ്പൽ മന്ത്രാലയം അറിയിച്ചു.തുടർച്ചയായ പരിശോധനകളിലാണ് നജ്മയിൽ അഞ്ച് വെയർഹൗസുകളും ഫിരീജ് ബിൻ ദിർഹാമിലെ ഒരു പാർപ്പിട മേഖലയിൽ അനധികൃത പാർട്ടീഷനുകളും കണ്ടെത്തിയതെന്നും മന്ത്രാലയം വ്യക്തമാക്കി.
നജ്മയിൽ ലൈസൻസില്ലാതെ സൂപ്പർമാർക്കറ്റുകളാക്കി മാറ്റിയ റെസിഡൻഷ്യൽ പാർക്കിംഗ് ലോട്ടുകളും ഫർണിച്ചറുകളും നിർമ്മാണ സാമഗ്രികളും സൂക്ഷിക്കാൻ ഉപയോഗിച്ചിരുന്ന നുഐജയിലെ അനധികൃത സ്റ്റോറും മുനിസിപ്പാലിറ്റി കണ്ടെത്തി.നിയമലംഘകർക്കെതിരെ ആവശ്യമായ നിയമനടപടികൾ സ്വീകരിക്കാൻ ബന്ധപ്പെട്ട വകുപ്പിന് കൈമാറിയിട്ടുണ്ട്.
റിയൽ എസ്റ്റേറ്റ് ഉടമകളോടും വാടകക്കാരോടും കെട്ടിട നിയമങ്ങൾ പാലിക്കാൻ ദോഹ മുനിസിപ്പാലിറ്റി, അഭ്യർത്ഥിച്ചു. മുനിസിപ്പാലിറ്റിയിൽ നിന്ന് ആവശ്യമായ പെർമിറ്റുകൾ നേടാതെ വസ്തുവിൽ ഒരു മാറ്റവും വരുത്തരുതെന്നും കെട്ടിട ഉടമകളോട് ആവശ്യപ്പെട്ടു.
ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/B5cRGSkveuO5fUeQTErqlq