March 28, 2023
March 28, 2023
ന്യൂസ്റൂം ബ്യൂറോ
ഷാര്ജ: ഗതാഗത നിയമലംഘന പിഴ 50 ശതമാനം ഇളവോടെ ഈ മാസം 31 വരെ അടക്കാമെന്ന് ഷാര്ജ ഗതാഗത വകുപ്പ്. ഗുരുതരമല്ലാത്ത നിയമലംഘനങ്ങള്ക്കാണ് പിഴയില് ഇളവ് ലഭിക്കുക.
സ്വന്തം ജീവനും മറ്റുള്ളവരുടെ ജീവനും ഭീഷണിയാകുന്ന വിധം വാഹനമോടിച്ച കേസില് ഉള്പ്പെട്ടവര്, പൊതു-സ്വകാര്യ സ്വത്തുകള്ക്ക് നാശമുണ്ടാക്കിയവര്, ലഹരി ഉപയോഗിച്ച് വാഹനമോടിച്ചവര്, നമ്പര് പ്ലേറ്റില്ലാത്ത വാഹനം ഉപയോഗിച്ചവര്, മണിക്കൂറില് 80 കിലോമീറ്റര് വേഗതയില് വാഹനം ഓടിച്ചവര്, അനുമതിയില്ലാതെ വാഹനത്തിന്റെ എന്ജിനടക്കമുള്ളവയില് മാറ്റം വരുത്തിയവര്, വാഹനാപകടം മരണ കാരണമായിട്ടുണ്ടെങ്കില് ആ അപകടത്തിന് കാരണമായവര് എന്നിവര്ക്ക് വിഴയില് ഇളവ് ലഭിക്കുന്നതല്ല.
പഴയ പിഴ അടച്ച് ഫയല് കുറ്റമറ്റതാക്കാനാണ് ഇളവെന്ന് ഷാര്ജ പൊലീസ് പട്രോളിങ് വിഭാഗം ഡയറക്ടര് ലഫ്.കേണല് മുഹമ്മദ് അല് നഖ്ബി അറിയിച്ചു. അടുത്ത രണ്ടു മാസം 35 ശതമാനം ഇളവില് പിഴ അടക്കാവുന്നതാണ്. ഒരു വര്ഷത്തിനുള്ളില് പിഴ അടയ്ക്കുന്നവര്ക്ക് 25 ശതമാനം ഇളവ് ലഭിക്കും. അതിനുശേഷം പിഴ അടക്കുന്നവര് മുഴുവന് തുകയും അടക്കേണ്ടി വരുമെന്ന് അദ്ദേഹം പറഞ്ഞു.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക
https://chat.whatsapp.com/KIGk615xlF1ILlMGxpUXqI