February 06, 2023
February 06, 2023
ന്യൂസ് ഏജൻസി
ഇസ്താംബൂൾ: തുർക്കിയയിൽ വൻ ഭൂചലനം.നിരവധി പേർ മരിച്ചതായാണ് റിപ്പോർട്ട്.തുടർചലനം അനുഭവപ്പെട്ട സിറിയയിലും കനത്ത നാശനഷ്ടങ്ങളുണ്ടായി. തുർക്കിയിൽ റിക്ടർ സ്‌കെയിലിൽ 7.8 രേഖപ്പെടുത്തിയ ഭൂചലനത്തിൽ നിരവധി കെട്ടിടങ്ങൾ തകർന്നു. തകർന്നുവീണ കെട്ടിടങ്ങൾക്കടിയിൽ നിരവധിപേർ കുടുങ്ങിക്കിടക്കുന്നതായാണ് വിവരം.
ഇതുവരെ 23 മൃതദേഹങ്ങൾ കണ്ടെടുത്തിട്ടുണ്ട്.സിറിയയിൽ 13 പേർ മരിച്ചതായി എ.എഫ്.പി റിപ്പോർട്ട് ചെയ്തു.
പ്രാദേശിക സമയം പുലർച്ചെ 4.17-നാണ് ഭൂചലനം അനുഭവപ്പെട്ടത്. തെക്കുകിഴക്കൻ നഗരമായ ഗാസിയൻതപിലാണ് ഭൂചലനമുണ്ടായത്. ഇതിന്റെ പ്രകമ്പനം ഏകദേശം 45 സെക്കന്റുകളോളം നീണ്ടുനിന്നതായാണ് റിപ്പോർട്ട്.
അയൽരാജ്യമായ ലെബെനോനിലും ഭൂകമ്പത്തിന്റെ പ്രകമ്പനം അനുഭവപ്പെട്ടതായി അന്താരാഷ്ട്ര മാധ്യമങ്ങൾ റിപ്പോർട്ട് ചെയ്തു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CZ8evyItpDFGmuyTIzjnaL എന്ന ലിങ്കിൽ ജോയിൻ ചെയ്യുക
