June 26, 2022
June 26, 2022
ദുബായ് : മൂന്നു ദിവസം മുമ്പ് ദുബായിൽ കാണാതായ മലയാളി യുവാവിനെ ദുബായിൽ തൂങ്ങിമരിച്ച നിലയിൽ കണ്ടെത്തി.കോഴിക്കോട് കുറ്റ്യാടി അടുക്കത്ത് സ്വദേശി കൊയമ്പ്രത്ത് മുഹമ്മദ് അലിയുടെ മകൻ സാബിത്(28)ആണ് മരിച്ചത്.
ദുബായിൽ റാഷിദിയ പോലീസ് സ്റ്റേഷന് സമീപം സൈൻ ഇലക്ട്രോണിക്സ് എന്ന സ്ഥാപനത്തിൽ ജീവനക്കാരനായിരുന്നു.മൂന്ന് ദിവസം മുമ്പ് ഇദ്ദേഹത്തെ കാണാനില്ലെന്ന് കാണിച്ചു ബന്ധുക്കളും സുഹൃത്തുക്കളും പോലീസിൽ പരാതി നൽകിയിരുന്നു.തുടർന്ന് പോലീസ് അന്വേഷണത്തിലാണ് താമസിക്കുന്ന വീടിനു സമീപം തൂങ്ങിമരിച്ച നിലയിൽ മൃതദേഹം കണ്ടെത്തിയത്.
സന്ദർശക വിസയിലെത്തിയ ഭാര്യ സഫ പത്തുദിവസം മുമ്പാണ് നാട്ടിലേക്ക് മടങ്ങിയത്.
മോർച്ചറിയിൽ സൂക്ഷിച്ചിരിക്കുന്ന മൃതദേഹം നടപടിക്രമങ്ങൾ പൂർത്തിയാക്കി നാട്ടിലേക്ക് കൊണ്ടുപോകും.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
