June 24, 2023
June 24, 2023
ന്യൂസ്റൂം ബ്യുറോ
ദുബായ് : തലയ്ക്ക് അടിയേറ്റ് ഷാര്ജയില് അടുതല സ്വദേശി കൊല്ലപ്പെട്ടു. ചാത്തന്നൂര് മരക്കുളം മരുതിക്കോട് കിഴക്കുംകര കുഞ്ഞപ്പിയുടെയും എല്സിയുടെയും മകൻ അജികുമാറാണ് (47) കൊല്ലപ്പെട്ടത്.
കഴിഞ്ഞ ചൊവ്വാഴ്ചയായിരുന്നു സംഭവം. കൂടെ താമസിക്കുന്ന ആന്ധ്രാപ്രദേശ് സ്വദേശിയുമായുള്ള വാക്കുതര്ക്കത്തിനിടെഅജികുമാറിന്റെ തലയ്ക്ക് അടിയേല്ക്കുകയായിരുന്നു.
19 വര്ഷമായി പ്രവാസി യായിരുന്ന അജികുമാര് ഒന്നരവര്ഷമായി ഷാര്ജയിലെ വേള്ഡ് സ്റ്റാര് എൻജിനിയറിംഗ് വര്ക്സ് എന്ന കമ്പനിയിൽ ജോലി ചെയ്തുവരികയായിരുന്നു.
ഓണത്തിന് അവധിക്കു വരുമ്പോൾ വീടിന്റെ ഗൃഹപ്രവേശം നടത്താനുള്ള തയാറെടുപ്പിലായിരുന്നു. പ്രതിയെ ഷാര്ജ പോലീസ് കസ്റ്റഡിയിലെടുത്തു. മൃതദേഹം ഷാര്ജ അല്ഉമൈ ആശുപത്രി മോര്ച്ചറിയില്. ഭാര്യ: ശ്രീദേവി. മക്കള്: നദാലിയ, നികിത.
ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/B5cRGSkveuO5fUeQTErqlq