November 10, 2022
November 10, 2022
ന്യൂസ്റൂം ബ്യുറോ
അല്ഐന്: മലപ്പുറം ചെറിയമുണ്ടം ബംഗ്ലാംകുന്ന് സ്വദേശിയും അജ്മാനില് നൂറല് അല്ഷിഫാ ക്ലിനിക്, ക്യൂക് എക്സ്പ്രസ് ബിസിനസ് സൊല്യൂഷന് എന്നീ സ്ഥാപനങ്ങളുടെ ഉടമയുമായ ചോലക്കര ചെപ്പാല സുനീര് (42) അൽ ഐനിൽ നിര്യാതനായി. ഇപ്പോള് മച്ചിങ്ങപ്പാറയിൽ താമസക്കാരനായ സുനീര് ഹൃദയാഘാതത്തെ തുടർന്ന് അല്ഐനിലെ തവാം ആശുപത്രിയിലാണ് മരിച്ചത്.
പിതാവ്: കുഞ്ഞിമുഹമ്മദ്. മാതാവ്: മറിയക്കുട്ടി. ഭാര്യ: സമീറ കൊട്ടേക്കാട്ടില്. മക്കള്: സെന്ഹ, സെന്സ, ഷെഹ്മിന്. സഹോദരങ്ങളായ സുഹൈബും സുഹൈലും അല്ഐനിലുണ്ട്. നടപടി ക്രമങ്ങള് പൂര്ത്തിയാക്കി മൃതദേഹം വ്യാഴാഴ്ച രാത്രി നാട്ടിലേക്ക് കൊണ്ടുപോകുമെന്നും വെള്ളിയാഴ്ച നാട്ടിൽ ഖബറടക്കുമെന്നും ബന്ധുക്കള് അറിയിച്ചു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക