October 31, 2019
October 31, 2019
ഷാർജ : ക്യാർ ചുഴലിക്കാറ്റിനെ തുടർന്ന് യു.എ.ഇയിലെ കൽബയിൽ 20 കുടുംബങ്ങളെ മാറ്റി താമസിപ്പിച്ചു.കൽബയിലെ അൽ ബർദി പ്രദേശത്താണ് ശക്തമായ മഴയെ തുടർന്ന് കുടുംബങ്ങളെ ഹോട്ടലിലേക്ക് മാറ്റിപ്പാർപ്പിച്ചത്.ഈ ഭാഗത്തെ വീടുകളിൽ വൈദ്യുതി ബന്ധം വിച്ഛേദിച്ചിട്ടുണ്ട്.ക്യാർ ചുഴലിക്കാറ്റിനെ തുടർന്ന് കടലിൽ തിരമാലകൾ ഉയർന്നതും കനത്ത മഴയും കാരണം യു.എ.ഇ യുടെ ചില എമിറേറ്റുകളിൽ ജനജീവിത ദുസ്സഹമാക്കിയതായി ഗൾഫ് ന്യൂസ് പത്രം റിപ്പോർട്ട് ചെയ്തു.
ഖദ്ഫ റോഡ്, മെര്‍ബഹ് റോഡ്, അല്‍ മെസല്ലാത്ത് റോഡ്, അല്‍ റാഗില റോഡ്, കല്‍ബ കോര്‍ണിഷ്, അല്‍ നഖീല്‍ റോഡ് എന്നിവിടങ്ങളില്‍ വെള്ളം കയറിയതായതായാണ് റിപ്പോര്‍ട്ട്. ഇവിടങ്ങളിലെ ചില ഹോട്ടലുകളിലും വിനോദ സഞ്ചാര കേന്ദ്രങ്ങളിലും വെള്ളം കയറിയിട്ടുണ്ട്. റോഡുകളില്‍ നിന്നും ജനവാസ മേഖലകളില്‍ നിന്നും വെള്ളം പമ്പ് ചെയ്ത് മാറ്റുന്നതിനായി ടാങ്കറുകള്‍ മറ്റ് സംവിധാനങ്ങളും വിന്യസിച്ചതായി ഫുജൈറ മുനിസിപ്പാലിറ്റി ഡയറക്ടര്‍ എഞ്ചി. മുഹമ്മദ് അല്‍ അഫ്‍ഖം അറിയിച്ചു. കടകളിലും വീടുകളും വെള്ളം കയറാതിരിക്കാന്‍ ബാരിയറുകള്‍ സ്ഥാപിച്ചിട്ടുണ്ടെന്നും അദ്ദേഹം പറഞ്ഞു.
