May 22, 2021
May 22, 2021
ഷാർജ : ഇന്ന് (ശനി) രാത്രി 10.15ന് ഷാർജയിൽ നിന്നുള്ള എയർഅറേബ്യ വിമാനം തിരുവനന്തപുരത്തേക്ക് ചിറകുവിരിക്കുമ്പോൾ തിരുവനന്തപുരത്തെ കൊച്ചുതുറക്കാരുടെ അഭിമാനവും വാനോളം ഉയരുകയാണ്.
ജെനി ജെറൊം എന്ന ഇരുപത്തിമൂന്നുകാരിയായ കൊച്ചുതുറക്കാരി മിടുക്കിയാണ് എയർ അറേബ്യയുടെ കോക്പിറ്റിനുള്ളിൽ ഇന്ന് സഹപൈലറ്റായി വിമാനം നിയന്ത്രിക്കുന്നത്. ഇതോടെ കേരളത്തിലെ ഏറ്റവും പ്രായം കുറഞ്ഞ വനിതാ കൊമേഴ്സ്യൽ പൈലറ്റ് എന്ന നേട്ടവും ജെനിയെ തേടിയെത്തിയിക്കുകയാണ്.ഷാർജാ ഏവിയേഷൻ അക്കാദമിയിൽ നിന്നാണ് ജെനി പഠനം പൂർത്തിയാക്കിയത്.
ഇന്നു രാത്രി 10.25 നു ഷാർജയിൽ നിന്ന് തിരുവനന്തപുരത്തേക്കുള്ള വിമാനത്തിന്റെ സഹപൈലറ്റായാണ് തെക്കൻ തിരുവനന്തപുരത്തെ കൊച്ചുതുറ എന്ന തീരദേശഗ്രാമത്തിൽ നിന്നുള്ള ജെനി താരമായത്. ആദ്യ യാത്ര തിരുവനന്തപുരത്തേക്കായിരുന്നു എന്നതും പ്രത്യേകതയാണ്.കൊച്ചുതുറ സ്വദേശികളായ ബിയാട്രസിൻ്റെയും ജെറോം ജോറിസിന്റെയും ബിയാട്രസിൻ്റെയും, കരുംകുളം കൊച്ചുതുറ സ്വദേശി ജെറോം ജോറിസിന്റെയും മകളായ ജെനി മാസ് ഷാർജ അംഗം കൂടിയാണ്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ ഒന്ന് മുതൽ 501 വരെയുള്ള വാട്സ്ആപ് ഗ്രൂപ്പുകളിൽ ചേരാത്തവർക്ക് മാത്രം