June 29, 2023
June 29, 2023
ന്യൂസ്റൂം ബ്യുറോ
ദുബായ് : പെരുന്നാള് ദിനത്തില് ദുബായിലുണ്ടായ വാഹനാപകടത്തില് യുവാവ് മരിച്ചു. തൃശൂര് കൊടുങ്ങല്ലൂരിലെ ഏരിയാട് പേബസാര് പുറക്കലത്ത് വീട്ടില് സിദ്ദീഖിന്റെ മകൻ മുഹമ്മദ് സബീഹ് (25) ആണ് മരിച്ചത്.
അല്ഐൻ റോഡില് ഇന്നലെ രാത്രിയാണ് അപകടം. പെരുന്നാള് ദിനത്തില് കൂട്ടുകാര്ക്കൊപ്പം രണ്ട് കാറുകളിലായി മരുഭൂമി യാത്രക്കായി പോയതായിരുന്നു.
മരുഭൂമിയില് എത്തുന്നതിന് തൊട്ടു മുമ്പ് മണലില് പൂണ്ടുപോയ മറ്റൊരു വാഹനത്തെ സഹായിക്കുന്നതിനായാണ് സബീഹ് കാറില് നിന്ന് ഇറങ്ങിയത്. ടയറുകള് മണലില് ആണ്ടുപോയ വാഹനം മുന്നോട്ടെടുക്കാൻ സഹായിക്കുന്നതിനിടെ മണ്ണ് തെറിച്ച് കണ്ണിലേക്ക് വീഴുകയായിരുന്നു. ഇതോടെ ഇയാള് അബദ്ധത്തില് റോഡിലേക്ക് മാറിയതും പിറകെ വന്ന ഇവരുടെ തന്നെ സുഹൃത്തുക്കളുടെ വാഹനമിടിക്കുകയായിരുന്നു. ഗുരുതരമായി പരിക്കേറ്റ സബീഹിനെ ഉടൻ ആശുപത്രിയില് എത്തിച്ചെങ്കിലും രക്ഷിക്കാനായില്ല. മൃതദേഹം ദുബായ് ഫോറൻസിക് മോര്ച്ചറിയില് സൂക്ഷിച്ചിരിക്കുകയാണ്.
രണ്ട് മാസം മുമ്പാണ് സബീഹ് ജോലി അന്വേഷിച്ച് വിസിറ്റിങ് വിസയില് ദുബായിൽ എത്തിയത്. എട്ടാം തീയതി ഒരു കമ്പനിയിൽ ജോലിക്ക് പ്രവേശിക്കാനിരിക്കെയാണ് ദുരന്തം സംഭവിക്കുന്നത്. മാതാവ് റൂബി. മൃതദേഹം നാട്ടിലേക്ക് കൊണ്ടു പോകാനുള്ള നടപടികള് പൂര്ത്തീകരിച്ചുവരികയാണ്.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/GjQM19221WxKnWo2cdbsZe