November 20, 2022
November 20, 2022
ന്യൂസ്‌റൂം ബ്യുറോ
ദോഹ :ഫിഫ ലോകകപ്പ് ഉൽഘാടന ചടങ്ങുകൾ അൽപ സമയത്തിനകം ആരംഭിക്കും.ചടങ്ങുകൾ നടക്കുന്ന ആൽബൈത്ത് സ്റ്റേഡിയത്തിൽ ആളുകൾ പ്രവേശിച്ചു തുടങ്ങി.ഇതിനിടെ,ഇന്ത്യയെ പ്രതിനിധീകരിച്ച് ചടങ്ങിൽ പങ്കെടുക്കുന്ന ഉപരാഷ്ട്രപതി ജഗ്‌ദീപ് ധൻഖർ ദോഹയിലെ ഹമദ് അന്താരാഷ്ട്ര വിമാനത്താവളത്തിൽ എത്തി.
ഖത്തറിലെ ഇന്ത്യൻ അംബാസഡർ ഡോ.ദീപക് മിത്തലും വിദേശകാര്യ മന്ത്രാലയത്തിലെ മുതിർന്ന ഉദ്യോഗസ്ഥരും ഉപരാഷ്ട്രപതിയെ സ്വീകരിച്ചു.
ഖത്തർ അമീർ ശൈഖ് തമീം ബിൻ ഹമദ് അൽതാനിയുടെ ക്ഷണപ്രകാരമാണ് രണ്ട് ദിവസത്തെ സന്ദർശനത്തിനായി ഉപരാഷ്ട്രപതി ഖത്തർ സന്ദർശിക്കുന്നത്.
“ഫിഫ ലോകകപ്പിന്റെ ഉദ്ഘാടന ചടങ്ങിൽ ഇന്ത്യയെ പ്രതിനിധീകരിക്കാൻ ഇന്ത്യൻ ഉപരാഷ്ട്രപതി ഖത്തറിൽ എത്തിയതിൽ ഞങ്ങൾക്ക് സന്തോഷവും അഭിമാനവുമുണ്ട്. ഇത് ഒരു ചരിത്ര നിമിഷമാണ്, ഇന്ത്യയും ഖത്തറും തമ്മിലുള്ള വളരെ അടുത്ത ബന്ധത്തെയാണ് ഇത് പ്രതിഫലിപ്പിക്കുന്നത്-" ഡോ. ദീപക് മിത്തൽ പറഞ്ഞു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/FIrAwQZT29aGSsExw8Oea6 എന്ന ലിങ്കിൽ ജോയിൻ ചെയ്യുക
