February 21, 2023
February 21, 2023
ന്യൂസ്‌റൂം ബ്യുറോ
ദോഹ: രാജ്യാന്തര തൊഴിൽ സംഘടനായ ഇന്റർനാഷണൽ ലേബർ ഓർഗനൈസേഷൻ(ഐഎൽഒ)ന്റെ പേരിൽ വാട്‍സ്ആപ് വഴി വ്യാജ തൊഴിൽ പരസ്യങ്ങൾ പ്രചരിക്കുന്നതായി സംഘടന അറിയിച്ചു.ഐ.എൽ.ഒയുടെ ഖത്തറിലെ ഓഫീസിൽ തൊഴിലവസരങ്ങളുണ്ടെന്ന് കാണിച്ചാണ് തട്ടിപ്പിനുള്ള ശ്രമം നടക്കുന്നത്.
നിലവിൽ ഖത്തറിലെ ഓഫീസിൽ തൊഴിലവസരങ്ങളൊന്നുമില്ലെന്നും വാട്ട്‌സ്ആപ്പ് വഴി അപേക്ഷകൾ ക്ഷണിക്കാറില്ലെന്നും ഓഫീസ് അധികൃതർ അറിയിച്ചു.അപേക്ഷ, അഭിമുഖം, തുടർനടപടികൾ,പരിശീലനം തുടങ്ങിയ ഒരു ഘട്ടത്തിലും ഫീസ് ഈടാക്കാറില്ലെന്നും തട്ടിപ്പുകൾക്കെതിരെ ജാഗ്രത പാലിക്കണമെന്നും സംഘടന വ്യക്തമാക്കി.സംഘടനയുമായി ബന്ധപ്പെട്ട സന്ദേശങ്ങൾ ILO ഇ-മെയിൽ അക്കൗണ്ടായ @ilo.org-ൽ നിന്നോ ilo.org എന്ന വെബ്‌സൈറ്റിൽ നിന്നോ ഉള്ളതല്ലെങ്കിൽ അവഗണിക്കണം.ഐഎൽഒ ഖത്തറുമായി ബന്ധപ്പെട്ട ഇത്തരം സംശയകരമായ സന്ദേശങ്ങൾ ലഭിച്ചാൽ doha@ilo.org എന്ന വിലാസത്തിലും ഖത്തറിലെ ബന്ധപ്പെട്ട അധികൃതരെയും വിവരം അറിയിക്കണമെന്നും ഐ.എൽ.ഒ ആവശ്യപ്പെട്ടു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/LiM4EdDAtkTAmYRCb0LMz9 എന്ന ലിങ്കിൽ ജോയിൻ ചെയ്യുക
