November 01, 2022
November 01, 2022
ന്യൂസ്‌റൂം ബ്യുറോ
അബുദാബി : ഖത്തർ ലോകകപ്പിനുള്ള ഹയ്യാ കാർഡ് ഉടമകൾക്ക് യു.എ.ഇ സന്ദർശിക്കാനുള്ള വിസാ നിരക്ക് ൧൦൦ ദിർഹമായിരിക്കുമെന്ന് ഫെഡറൽ അതോറിറ്റി ഫോർ ഐഡന്റിറ്റി, സിറ്റിസൺഷിപ്പ്, കസ്റ്റംസ് ആൻഡ് പോർട്ട് സെക്യൂരിറ്റി (ഐസിപി)വിഭാഗം അറിയിച്ചു.
ഫിഫ ലോകകപ്പിന് ആതിഥേയത്വം വഹിക്കുന്ന ഖത്തറിന് യുഎഇ സർക്കാർ നൽകുന്ന പിന്തുണയുടെ ചട്ടക്കൂടിനുള്ളിൽ ഉൾപെടുത്തിയാണ് ലോകകപ്പ് സന്ദർശകർക്ക് രാജ്യത്തേക്ക് പ്രവേശനം അനുവദിക്കുന്നത്."ഹയ്യ" കാർഡ് ഉടമകൾ www.icp.gov.ae എന്ന വെബ്‌സൈറ്റ് വഴിയാണ് സന്ദർശക വിസയ്ക്കായി അപേക്ഷിക്കേണ്ടത്.
'90 ദിവസത്തേക്ക് സാധുതയുള്ള മൾട്ടി എൻട്രി സന്ദർശക വിസയാണ് അനുവദിക്കുക.ആദ്യം ഖത്തർ സന്ദർശിച്ചിരിക്കണമെന്ന വ്യവസ്ഥയോ ഏതെങ്കിലുമൊരാളുടെ ഗ്യാരന്റിയോ ഇതിന് ആവശ്യമില്ല. അപേക്ഷകരുടെ താല്പര്യ പ്രകാരം 90 ദിവസത്തേക്ക് കൂടി കാലാവധി നീട്ടാനും അനുവാദമുണ്ടാകും.' ഐസിപി വ്യക്തമാക്കി.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക
