October 15, 2022
October 15, 2022
ന്യൂസ്റൂം ബ്യുറോ
ദോഹ : ഫിഫ ലോകകപ്പിലെ ഔദ്യോഗിക റഫറിമാർക്ക് സമയനിഷ്ഠ ഉറപ്പുവരുത്തുന്നതിനായി വാച് നിർമാതാക്കളായ ഹബ്ലോട്ട് ലിമിറ്റഡ് എഡിഷൻ സ്മാർട്ട് വാച്ചുകൾ പുറത്തിറക്കി.
2018-ൽ റഷ്യയിൽ നടന്ന ലോകകപ്പിനും കഴിഞ്ഞ വർഷത്തെ യുവേഫ യൂറോപ്യൻ ചാമ്പ്യൻഷിപ്പിനും പ്രീമിയർ ലീഗിനും തയാറാക്കിയതുപോലുള്ള ആഡംബര ബിഗ് ബാംഗ് ഇ വാച്ചിന്റെ ഏറ്റവും പുതിയ പതിപ്പാണ് കമ്പനി പുറത്തിറക്കിയത്.നവംബർ 20-ന് ആരംഭിക്കുന്ന ടൂർണമെന്റിലെ 64 മത്സരങ്ങളിലും 129 റഫറിമാരുടെയും ഒഫീഷ്യലുകളുടെയും കൈത്തണ്ടയിൽ ഈ വാച്ചുകൾ ഇടംപിടിക്കും.
ഓരോ മത്സരത്തിനും 15 മിനിറ്റ് മുമ്പ് ലൈനപ്പുകളും പ്ലെയർ പ്രൊഫൈലുകളും ഒരുക്കാനും 'മാച്ച് മോഡ്' എന്ന് വിളിക്കപ്പെടുന്ന ടൈംലൈനിലെ പ്രധാന നിമിഷങ്ങൾ ഹൈലൈറ്റ് ചെയ്യാനും കഴിയുന്ന തരത്തിലാണ് വാച്ചുകൾ രൂപകൽപന ചെയ്തിരിക്കുന്നത്.ശരാശരി 5 ലക്ഷം രൂപവരെയാണ് ഒരു വാച്ചിന്റെ വില.വ്യത്യസ്ത രൂപകൽപനകളിൽ ഇത്തരം 1000 സ്മാർട്ട് വാച്ചുകളാണ് കമ്പനി കഴിഞ്ഞ ദിവസം പുറത്തിറക്കിയത്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/Dg5TqG6OdNJIDasvwIm1qY എന്ന ലിങ്കിൽ ജോയിൻ ചെയ്യുക