July 22, 2023
July 22, 2023
ന്യൂസ്റൂം ബ്യുറോ
അബൂദബി : സാമ്പത്തിക പ്രതിസന്ധിയെ തുടര്ന്ന് നിര്ത്തിവച്ചിരുന്ന ഗോ ഫസ്റ്റ് വിമാന സര്വീസുകള് പുനരാരംഭിക്കുന്നതിന് ഡയരക്ടറേറ്റ് ജനറല് ഓഫ് സിവില് ഏവിയേഷന് (ഡി ജി സി എ)അനുമതി നൽകി.
യു എ ഇ യില് നിന്നും കണ്ണൂരിലേക്കുള്ള യാത്രക്കാര് ഏറ്റവും കൂടുതല് ആശ്രയിച്ചിരുന്നത് ഗോ ഫസ്റ്റ് സർവീസുകളെയായിരുന്നു.എന്നാൽ,ഗോ ഫസ്റ്റ് സര്വീസ് നിലച്ചതോടെ അബുദബിയില് നിന്നും കേരളത്തിലേക്കുള്ള യാത്രക്കാർ ഏറെ ദുരിതങ്ങൾ നേരിടുന്നുണ്ട്.
ഈ മാസം അവസാനമോ അടുത്ത മാസം ആദ്യമോ ഗോ ഫസ്റ്റ് ആഭ്യന്തര സര്വീസ് വീണ്ടും ആരംഭിക്കുമെങ്കിലും അന്താരാഷ്ട്ര സര്വീസ് സപ്തംബര് മാസത്തിലാകും തുടക്കമാവുക. പശ്ചിമേഷ്യൻ മേഖലയില് അബൂദബി, ദുബായ്, മസ്കത്ത്, കുവൈത്ത്, ദമാം എന്നിവിടങ്ങളില് നിന്നും കണ്ണൂര്, ഡല്ഹി, ബോംബെ, കൊച്ചി എന്നിവിടങ്ങളിലേക്കാണ് ഗോ ഫസ്റ്റ് പ്രധാനമായും സര്വീസ് നടത്തിയിരുന്നത്. അബൂദബി, ദുബായ് എന്നിവിടങ്ങളില് നിന്നും ദിവസവും മറ്റിടങ്ങളില് നിന്നും ആഴ്ചയില് മൂന്നും സര്വീസായിരുന്നു ഉണ്ടായിരുന്നത്.
ആദ്യ അന്താരാഷ്ട്ര സര്വീസ് യു എ ഇ കണ്ണൂര് റൂട്ടിലായിരിക്കും. ഇതിനുള്ള നടപടികള് ഗോ ഫസ്റ്റ് ആരംഭിച്ചു കഴിഞ്ഞതായി ഔദ്യോഗിക വൃത്തങ്ങള് അറിയിച്ചു. അന്താരഷ്ട്ര സര്വീസിന്റെ ടിക്കറ്റ് ബുക്കിംഗ് സപ്തംബര് മാസം ആദ്യം ആരംഭിക്കും. നിലവില് അബൂദബി കണ്ണൂര് റൂട്ടില് ആയിരം ദിര്ഹമിന് മുകളിലാണ് ഒരു വശത്തേക്കുള്ള വിമാന നിരക്ക്.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/FZrPbBIed7U4lm5VsQzYgH