December 01, 2022
December 01, 2022
അൻവർ പാലേരി
ദോഹ : ലോകകപ്പ് മത്സരങ്ങൾ കാണാൻ ടിക്കറ്റ് ഇല്ലാത്തവർക്കും ഹയ്യ പ്ലാറ്റ്ഫോമിൽ രജിസ്റ്റർ ചെയ്ത് വെള്ളിയാഴ്ച മുതൽ ഖത്തറിലേക്ക് വരാം.ഹയ്യ കാർഡ്,ഹോട്ടൽ റിസർവേഷൻ എന്നിവയ്ക്കൊപ്പം 500 ഖത്തർ റിയാൽ ഫീസ് കൂടി അടക്കണമെന്ന് ആഭ്യന്തര മന്ത്രാലയം അറിയിച്ചു.
qatar2022.qa/book എന്ന ലിങ്ക് വഴി താമസം റിസർവ് ചെയ്യാം. 12 വയസും അതിൽ കൂടുതലുമുള്ള കുട്ടികൾക്ക് 500 റിയാൽ ഫീസായി നൽകണം.എന്നാൽ 12 വയസ്സിന് താഴെയുള്ള കുട്ടികൾക്ക് ഈ നിരക്ക് ബാധകമാവില്ല.
ഡിസംബർ 3 ന് ആരംഭിക്കുന്ന നോക്കൗട്ട് ഘട്ടത്തിൽ ലോകമെമ്പാടുമുള്ള ആരാധകർക്ക് ലോകകപ്പ് അന്തരീക്ഷം ആസ്വദിക്കാൻ ലോകകപ്പ് ടിക്കറ്റില്ലാതെ ഖത്തറിലേക്ക് വരാമെന്ന് നവംബർ 3 ന് നടത്തിയ വാർത്താസമ്മേളനത്തിൽ അധികൃതർ വ്യക്തമാക്കിയിരുന്നു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/C2rupFykVgXBqmlpJc6amX എന്ന ലിങ്കിൽ ജോയിൻ ചെയ്യുക