April 25, 2023
April 25, 2023
ന്യൂസ്‌റൂം ബ്യൂറോ
ദുബായ്: 150 യാത്രക്കാരുമായി നേപ്പാളിലെ കാഠ്മണ്ഡു ത്രിഭുവന്‍ രാജ്യാന്തര വിമാനത്താവളത്തില്‍ നിന്ന് ദുബായിലേക്കു പറന്നുയര്‍ന്ന ഫ്ലൈ ദുബായ് വിമാനത്തിലെ എന്‍ജിന് തീപിടിച്ചു. എഞ്ചിനില്‍ പക്ഷി ഇടിച്ചതിനെതുടര്‍ന്നാണ് തീപിടുത്തം ഉണ്ടായതെന്നാണ് പ്രാഥമിക വിലയിരുത്തല്‍. തുടര്‍ന്ന് വിമാനം അടിയന്തരമായി നിലത്തിറക്കാനുള്ള സജ്ജീകരണങ്ങള്‍ നടത്തിയെങ്കിലും പ്രശ്‌നം പരിഹരിക്കുകയായിരുന്നു. പ്രാദേശിക സമയം രാത്രി 12.11 ന് വിമാനം സുരക്ഷിതമായി ദുബായില്‍ ലാന്‍ഡ് ചെയ്തതായി ഫ്ലൈ ദുബായ് അധികൃതരെ ഉദ്ധരിച്ച് ദുബായ് മീഡിയ ഓഫീസ് അറിയിച്ചു. വിമാനത്തിന് തീപിടിച്ചതോടെ സര്‍വീസുകള്‍ നിര്‍ത്തിവെച്ച ത്രിഭുവന്‍ രാജ്യാന്തര വിമാനത്താവളത്തിന്റെ പ്രവര്‍ത്തനം പുനരാരംഭിച്ചതായി വിമാനത്താവളത്തിന്റെ ജനറല്‍ മാനേജര്‍ പ്രതാപ് ബാബു തിവാരി അറിയിച്ചു.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI
