August 09, 2022
August 09, 2022
ദോഹ: ലോകകപ്പ് ഫൈനൽ മത്സരം നടക്കുന്ന ലുസൈൽ സ്റ്റേഡിയത്തിൽ ഈ മാസം 11 വ്യാഴാഴ്ച ആദ്യമായി കാൽപ്പന്തു കളിയുടെ ആവേശപ്പന്തുരുളും. 2022-2023 സീസണിലെ ക്യുഎൻബി സ്റ്റാർസ് ലീഗിനായാണ് ലുസൈൽ സ്റ്റേഡിയത്തിൽ ഇതാദ്യമായി ദോഹയിലെ കരുത്തന്മാർ പന്തുതട്ടാനെത്തുന്നത്. അൽ അറബിയും അൽ റയാനും തമ്മിലാണ് വ്യാഴാഴ്ച ഏറ്റുമുട്ടുക.
കഴിഞ്ഞ സീസണിൽ നാലാമതായി ഫിനിഷ് ചെയ്ത അൽ അറബി (ദി ഡ്രീം ടീം) ആദ്യ റൗണ്ടിൽ ഖത്തർ എസ്‌സിയെ 2-0ന് തോൽപ്പിച്ച് വിജയത്തോടെ തുടക്കം കുറിച്ചിരുന്നു.. ഓപ്പണിംഗ് റൗണ്ടിൽ അൽ റയാനെ (ദി ലയൺസ്) അൽ ഷമാൽ 1-0ന് തോൽപിച്ചെങ്കിലും എട്ട് തവണ ലീഗ് ചാമ്പ്യൻമാരായ ടീം പൂർവാധികം ശക്തിയോടെ തന്നെയാണ് പോരാട്ടത്തിനിറങ്ങുന്നത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാനും പരസ്യങ്ങൾ നൽകാനും ബന്ധപ്പെടുക : +974 33450597
