November 10, 2022
November 10, 2022
ന്യൂസ്‌റൂം ബ്യുറോ
ദോഹ:ലോകകപ്പ് ആരാധകർക്ക് താമസിക്കാനുള്ള മൂന്ന് ഫ്ലോട്ടിംഗ് ഹോട്ടലുകളിൽ ആദ്യത്തേത് ഇന്ന് രാവിലെ ഖത്തറിലെത്തി. ഫ്രാൻസ് ആസ്ഥാനമായ എംഎസ്‌സി വേൾഡ് യൂറോപ്പ നിർമിച്ച ക്രൂയിസ് കപ്പലാണ് വ്യാഴാഴ്ച രാവിലെ ഓൾഡ് ദോഹ തുറമുഖത്ത് നങ്കൂരമിട്ടത്.
"ഈ ക്രൂയിസ് കപ്പലിന്റെ ഖത്തറിലേക്കുള്ള ആദ്യ യാത്രയാണിത്. എംഎസ്‌സി കമ്പനി നിർമിച്ച ഈ കപ്പൽ എംഎസ്‌സിയിൽ നിന്നുള്ള ഏറ്റവും വലിയ കപ്പലായാണ് കണക്കാക്കുന്നത്. നവംബർ 13 ന് കപ്പലിന്റെ ഉദ്ഘാടന ചടങ്ങും നാമകരണവും നടക്കും"-സുപ്രീം കമ്മിറ്റി ഫോർ ഡെലിവറി ആൻഡ് ലെഗസിയിലെ (എസ്‌സി) ഹൗസിംഗ് ഡിപ്പാർട്ട്‌മെന്റ് എക്‌സിക്യൂട്ടീവ് ഡയറക്ടർ ഒമർ അൽ ജാബർ അൽ കാസ് ടിവിയോട് പറഞ്ഞു:
22 ഡെക്കുകളുള്ള നൂതനവും പാരിസ്ഥിതികവുമായ സംവിധാനങ്ങളോടെ നിർമിച്ച കപ്പലിൽ 6,700 ലോകകപ്പ് ആരാധകർക്ക് താമസിക്കാനാകും.. 47 മീറ്റർ വീതിയിൽ 2,626 ക്യാബിനുകളും 40,000 ചതുരശ്ര മീറ്റർ വിസ്‌തീർണമുള്ള പൊതു ഇടവും കപ്പലിലുണ്ട്.
ലോകകപ്പ് ആരാധകർക്കായുള്ള രണ്ടാമത്തെ ക്രൂയിസ് കപ്പൽ നവംബർ 14ന് തിങ്കളാഴ്ചദോഹയിലെത്തും.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻhttps://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക
