August 08, 2021
August 08, 2021
അബൂദബി: അബുദാബിയിൽ വ്യവസായ നഗരിയിലെ താമസസ്ഥലത്തുണ്ടായ തീപിടുത്തത്തിൽ മലയാളി പുക ശ്വസിച്ച് മരിച്ചു. വ്യവസായ നഗരിയിലെ സെക്ടര്‍ 37ലാണ് അപകടമുണ്ടായത്. കൊല്ലം അഞ്ചല്‍ എരൂര്‍ ഷെഫീന മന്‍സിലില്‍ മീരാ സാഹിബിെന്‍റ മകന്‍ റഫീഖ് മസൂദ് (37) ആണ് മരിച്ചത്. പാന്‍ട്രിയില്‍ ഭക്ഷണം കഴിക്കുന്നതിനിടെയായിരുന്നു അന്ത്യം.
വെള്ളിയാഴ്ച ഉച്ചക്ക് 2.50നാണ് അപകടമുണ്ടായത്.. എയര്‍ കണ്ടീഷന്‍ ഷോര്‍ട് സര്‍ക്യൂട്ടിനെ തുടര്‍ന്ന് തീപടരുകയായിരുന്നു. താമസസ്ഥലത്തെ 80 ശതമാനം ജീവനക്കാരും അപകടസമയത്ത് ഡ്യൂട്ടിയിലായിരുന്നത് അപകടത്തിെന്‍റ തീവ്രത കുറച്ചു. കെട്ടിടത്തിലെ രണ്ടാം നിലയിലെ പാന്‍ട്രിയിലായിരുന്നു അപകട സമയത്ത് റഫീഖ്. പുകപടലം പടരുന്നതിനിടെ കെട്ടിടത്തിലുണ്ടായിരുന്ന 20 ഓളം ജീവനക്കാര്‍ ഓടിരക്ഷപ്പെട്ടെങ്കിലും റഫീഖ് മാത്രം കുഴഞ്ഞുവീഴുകയായിരുന്നു. അബൂദബി അഗ്നിശമന സേനയും പൊലീസും സ്ഥലത്തെത്തി അബോധാവസ്ഥയിലായ റഫീഖിനെ രക്ഷപ്പെടുത്താന്‍ ശ്രമിച്ചെങ്കിലും മരണം സംഭവിച്ചിരുന്നു.
അബൂദബി- അല്‍ ഷഹാമ റോഡിലെ ഡിയര്‍ ഫീല്‍ഡ് മാളിലെ സതേണ്‍ ഫ്രൈഡ് ചിക്കന്‍ ബ്രാഞ്ചിലെ സീനിയര്‍ അസോസിയേറ്റീവ് ആയിരുന്നു റഫീഖ്. ഈ സ്ഥാപനത്തിലെ ജീവനക്കാരാണ് ഇവിടെ താമസിക്കുന്നത്.മാതാവ്: റഷീദ. ഭാര്യ: ഷെഫീന. ഒരു കുട്ടിയുണ്ട്. നടപടിക്രമങ്ങള്‍ പൂര്‍ത്തിയാക്കി മൃതദേഹം നാട്ടിലെത്തിക്കുമെന്ന് എസ്.എഫ്.സി മാനേജ്‌മെന്‍റ് അറിയിച്ചു.
ഖത്തർ സിറ്റി എക്സ്ചേഞ്ചിൽ ഇന്ത്യൻ രൂപയുമായുള്ള ഖത്തർ റിയാലിന്റെ ഇന്നത്തെ വിനിമയ നിരക്ക് : 1 റിയാൽ / 20.15
