May 12, 2023
May 12, 2023
ന്യൂസ്റൂം ബ്യുറോ
അബുദാബി: അബൂദബിയില് എണ്ണ കമ്പനിയിൽ ജോലി വാഗ്ദാനം ചെയ്ത് പണം തട്ടിയ രണ്ടുപേരെ പൂജപ്പുര പോലീസ് അറസ്റ്റ് ചെയ്തു.
തൃശ്ശൂര് പാവറട്ടി ചെമ്മനാട് സ്വദേശി മുഹമ്മദ് റിസ്വാന്, കരകുളം പൊന്നുനട സ്വദേശി അനിത എന്നിവരാണ് അറസ്റ്റിലായത്.
തിരുമല മങ്കാട് മല്ഹാര് വീട്ടില് ആര്.സുരേഷ് ആണ് തട്ടിപ്പിനിരയായത്.
സുരേഷിന്റെ മകന് അഭിലാഷിന് രണ്ടുലക്ഷം രൂപ വേതനത്തിൽ ജോലി വാഗ്ദാനം ചെയ്ത് 1,30,000 രൂപ കൈക്കലാക്കി. സുരേഷിന്റെ മൊബൈല് ഫോണിലേക്ക് വ്യാജ വിസ അയച്ചുകൊടുത്തായിരുന്നു തട്ടിപ്പ്.
മുഹമ്മദ് റിസ്വാന്റെ അക്കൗണ്ടിലേക്ക് 1.30 ലക്ഷം രൂപ അയച്ചു കൊടുത്ത് ഒരു വര്ഷം കഴിഞ്ഞിട്ടും വിസ ലഭിച്ചില്ല. പണം തിരികെ നല്കാതായതോടെയാണ് സുരേഷ് പോലീസില് പരാതിയുമായി എത്തിയത്. തുടര്ന്ന് നടന്ന അന്വേഷണത്തിലാണ് പ്രതികള് കസ്റ്റഡിയിലായത്.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/GNnAPz2ISv601MKXQvNitL