March 17, 2023
March 17, 2023
ന്യൂസ്റൂം ബ്യൂറോ
ദുബായ്: ഭിന്നശേഷിക്കാരനായി അഭിനയിച്ച് ഭിക്ഷാടനം നടത്തിയിരുന്ന ആള് മൂന്നു ലക്ഷം ദിര്ഹവുമായി അറസ്റ്റില്. വിസിറ്റിങ് വിസയില് ദുബായിലെത്തിയ ഇയാള് പള്ളികളും താമസ സ്ഥലങ്ങളും കേന്ദ്രീകരിച്ചാണ് ഭിക്ഷാടനം നടത്തിയിരുന്നത്. കൃത്രിമമായി നിര്മ്മിച്ച കാലില് ഒളിപ്പിച്ച നിലയിലായിരുന്നു പണം. ഇയാളെ പബ്ലിക് പ്രോസിക്യൂഷന് കൈമാറി.
റമദാന് മാസത്തില് യാചകരുടെ എണ്ണം വര്ധിക്കാന് സാധ്യതയുള്ളതിനാല് പൊലീസ് പരിശോധന വ്യാപകമാക്കിയിട്ടുണ്ട്. അതേസമയം 70,000, 46,000, 44,000 ദിര്ഹവുമായി മൂന്ന് യാചകരെയും പൊലീസ് പിടികൂടിയിരുന്നു.
അടുത്തിടെ വിസിറ്റിങ് വിസയില് ദുബായിലെത്തിയ വനിത, തന്റെ ഒരു ലക്ഷം ദിര്ഹം കളവ് പോയെന്ന് പരാതി നല്കിയിരുന്നു. ഭിക്ഷാടനത്തിലൂടെ സ്വന്തമാക്കിയതാണ് ഈ പണമെന്ന് പൊലീസ് കണ്ടെത്തി.
90 ശതമാനം യാചകരും വിസിറ്റിങ് വിസയിലാണ് ദുബായിലെത്തുന്നതെന്ന് സി.ഐ.ഡി ഡെപ്യൂട്ടി ഡയറക്ടര് സഈദ് സുഹൈല് അല് അയാലി പറഞ്ഞു. റമദാനില് ഇവരെ നിയന്ത്രിക്കുന്നത് സംബന്ധിച്ച ചര്ച്ച ചെയ്യാന് ചേര്ന്ന യോഗത്തിലാണ് അദ്ദേഹം ഇക്കാര്യം വ്യക്തമാക്കിയത്.
ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക https://chat.whatsapp.com/BA70KEJMeBmGW92ahNcBva