June 26, 2020
June 26, 2020
ദുബായ് : കഴിഞ്ഞദിവസം ദുബായിൽ മരിച്ച എറണാകുളം പെരുമ്പാവൂർ സ്വദേശിക്ക് കോവിഡ് സ്ഥിരീകരിച്ചു. പെരുമ്പാവൂർ മേലാന്തിക്ക പറമ്പിൽ സുധീറിനാണ് (51) മരണശേഷം രോഗം സ്ഥിരീകരിച്ചത്. ദുബായ് ഫ്രീസോണിൽ വർഷങ്ങളായി ബാർബർ ഷോപ്പ് നടത്തിവരികയായിരുന്നു. ബുധനാഴ്ച താമസസ്ഥലത്തു മരിച്ച നിലയിൽ കണ്ടെത്തുകയായിരുന്നു.
ജോലികഴിഞ്ഞ് മുറിയിൽ വിശ്രമിക്കാനെത്തിയ സുധീർ ഹൃദയാഘാതത്തെ തുടർന്ന് മരിച്ചത്തയായിരുന്നു പ്രാഥമിക നിഗമനം. ഇദ്ദേഹത്തിന് കോവിഡ് ലക്ഷണങ്ങളൊന്നും പ്രകടമായിരുന്നില്ല. മൃതദേഹം നാട്ടിലെത്തിക്കാൻ ശ്രമിക്കുന്നതിന്റെ ഭാഗമായി നടത്തിയ പരിശോധനയിലാണ് കോവിഡ് പോസറ്റീവാണെന്ന് സ്ഥിരീകരിച്ചത്. ഇതേ തുടർന്ന് ഇദ്ദേഹത്തിന്റെ സഹപ്രവർത്തകരെ നിരീക്ഷണത്തിലാക്കിയിട്ടുണ്ട്. ഭാര്യ: രഹ്ന. മക്കൾ: അസ്ജന, സഫ് വാൻ, ഫർദാൻ, അൽഫിയ.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക