July 03, 2021
July 03, 2021
ദോഹ:ഇന്നലെ മുതല്‍ ഓഗസ്റ്റ് ഒന്നു വരെ നടക്കുന്ന 2021കോണ്‍കാഫ് ഗോള്‍ഡ് കപ്പിന്റെ ഔദ്യോഗിക എയര്‍ലൈന്‍ കമ്പനിയായി ഖത്തര്‍ എയര്‍വേയ്‌സ് കരാറിലൊപ്പിട്ടു.
കോണ്‍ഫെഡറേഷന്‍ ഓഫ് നോര്‍ത്ത്, സെന്‍ട്രല്‍ അമേരിക്ക,കരീബിയന്‍ ഫുട്‌ബോള്‍ അസോസിയേഷന്‍ (കോണ്‍കാഫ്)എന്നിവയുമായുള്ള കരാറുകളിലൂടെ ഖത്തര്‍ എയര്‍വേയ്‌സ് ആഗോള കായിക സ്‌പോണ്‍സര്‍ഷിപ്പ് വികസിപ്പിക്കുകയാണ്.കോണ്‍ഗാഫ് പ്രിലിമിനറി മല്‍സരങ്ങളാണ് ഇന്നലെ മിയാമിയില്‍ ആരംഭിച്ചത്. ഗ്രൂപ്പ് ഘട്ട മത്സരങ്ങള്‍ ജൂലൈ 10 നാണ് ആരംഭിക്കുക. കലാശപ്പോരാട്ടം ഓഗസ്റ്റ് 1 ന് ലാസ് വെഗാസില്‍ നടക്കും.ഫുട്‌ബോള്‍ കളിയാരാധകരെ ബന്ധിപ്പിക്കുന്നതിന് ഇത്തരത്തില്‍ പങ്കാളിത്തം വഹിക്കാന്‍ സാധിക്കുന്നത് വലിയ നേട്ടമാണെന്ന് ഖത്തര്‍ എയര്‍ ചീഫ് അക്ബര്‍ അല്‍ ബകര്‍ പറഞ്ഞു.
