July 28, 2021
July 28, 2021
ദുബൈ: ഇന്ത്യക്കാരന്റെ കട കൊള്ളയടിച്ച പ്രതികള്ക്ക് തടവും പിഴയും.രാത്രിയില് കട കുത്തിത്തുറന്ന് 86 ഐഫോണുകള് മോഷ്ടിച്ച സംഘത്തിലെ മൂന്ന് പ്രതികള്ക്ക് ആറ് മാസം വീതം തടവും 3,69,090 ദിര്ഹം പിഴയുമാണ് ദുബൈ പ്രാഥമിക കോടതി വിധിച്ചത്. കടയില് നിന്ന് 3,55,000 ദിര്ഹം വിലയുള്ള ഫോണുകളാണ് പ്രതികള് മോഷ്ടിച്ചത്. കാമറൂണ് സ്വദേശികളാണ് ദുബൈ നാഇഫിലെ കടയില് മോഷണം നടത്തിയത്. പല മോഡലുകളിലുള്ള 86 ഐഫോണുകള്ക്ക് പുറമെ 14,735 ദിര്ഹവും പ്രതികള് മോഷ്ടിച്ചിരുന്നു. കടയുടെ ഡോര് തകര്ക്കുകയും നിരീക്ഷണ ക്യാമറകള് നശിപ്പിക്കുകയും ചെയ്താണ് മോഷണം നടത്തിയത്. മോഷണം സംബന്ധിച്ച് പുലര്ച്ചെ നാലിന ഉടയ്ക്ക് വിവിരം കിട്ടിയിരുന്നു. സമീപത്തുണ്ടായിരുന്ന മറ്റ് സിസിടിവി ക്യാമറകളില് നിന്ന് പ്രതികളെ തിരിച്ചറിഞ്ഞ പോലിസ് ഇവരെ പിടികൂടുകയായിരുന്നു. ചോദ്യം ചെയ്യലില് പ്രതികള് കുറ്റം സമ്മതിച്ചു. മോഷ്ടിച്ച ഫോണുകള് ഇവര് മറ്റൊരാളെ ഏല്പ്പിച്ചിരുന്നു. ഇയാളെയും പോലിസ് അറസ്റ്റ് ചെയ്തു. മൂന്ന് പ്രതികള്ക്കെതിരേ മോഷണത്തിനും കടകള്ക്ക് നാശനഷ്ടമുണ്ടാക്കിയതിനുമാണ് കുറ്റം ചുമത്തിയിരുന്നത്. നാലാമനെതിരായ വിചാരണ തുടരുകയാണ്.