November 09, 2021
November 09, 2021
അജ്മാന്: മാസങ്ങളായി ഷാര്ജ മോര്ച്ചറിയില് സൂക്ഷിച്ചിരുന്ന മലയാളിയുടെ മൃതദേഹം തിരിച്ചറിഞ്ഞു. കഴിഞ്ഞ ആഗസ്റ്റിലാണ് ഇദ്ദേഹം മരിച്ചത്.
ഔദ്യോഗിക രേഖകളൊന്നും കയ്യിലില്ലാത്തതിനാല് മൃതദേഹം തിരിച്ചറിയാനാകാതെ ഷാര്ജ പൊലീസ് മോര്ച്ചറിയില് സൂക്ഷിച്ചിരിക്കുകയായിരുന്നു. ഇദ്ദേഹത്തിന്റെ ഫോട്ടോയും അബ്ദുല് സത്താര് തുണ്ടികണ്ടിയില് പോക്കര് എന്ന പേരും മാത്രമാണ് ലഭ്യമായിരുന്നത്.
കഴിഞ്ഞ ദിവസം യാദൃശ്ചികമായി വിവരം അറിഞ്ഞ സാമൂഹിക പ്രവര്ത്തകന് അഷ്റഫ് താമരശ്ശേരി ഇദ്ദേഹത്തെക്കുറിച്ച് ഫേസ്ബുക്കില് പോസ്റ്റ് ഇടുകയായിരുന്നു. തിങ്കളാഴ്ച രാത്രി ഫേസ്ബുക്ക് പോസ്റ്റ് പുറത്ത് വന്ന് ഒരു മണിക്കൂറിനകം ആളുകള് ഇദ്ദേഹത്തെ തിരിച്ചറിയുകയായിരുന്നു.
കോഴിക്കോട് മംഗലാട് സ്വദേശിയാണ് അബ്ദുല് സത്താര് എന്ന് തിരിച്ചറിഞ്ഞ ആളുകള് യു.എ.ഇയില് തന്നെയുള്ള അകന്ന ബന്ധുക്കളെ വിവരം അറിയിക്കുകയായിരുന്നു. ഇദ്ദേഹത്തിന് നാട്ടില് ഭാര്യയും പത്ത് വയസായ ഒരു മകനുമുണ്ട്. ആളെ തിരിച്ചറിഞ്ഞതോടെ മൃതദേഹം ഉടന് നാട്ടിലയക്കാന് ആവശ്യമായ നടപടികള് ആരംഭിച്ചതായി അഷറഫ് താമരശ്ശേരി അറിയിച്ചു.
അബൂദാബിയിലെ ഒരു കഫ്തീരിയയില് ജോലി ചെയ്തുവന്നിരുന്ന ഇദ്ദേഹത്തിന്റെ വിസ രണ്ട് വര്ഷം മുന്പ് ക്യാന്സല് ചെയ്തിരുന്നു. പിന്നീട് എവിടെയാണ് ജോലി ചെയ്തിരുന്നത് എന്നതിനെക്കുറിച്ച് കുറിച്ച് വിവരമില്ലായിരുന്നു. ഷാര്ജയില് കണ്ടിരുന്നതായി ചില സുഹൃത്തുക്കള് പറയുന്നുണ്ട്. ഇദ്ദേഹം നാട്ടില് വന്നു പോയിട്ട് അഞ്ച് വര്ഷത്തോളമായതായാണ് ബന്ധുക്കള് പറയുന്നത്.
ന്യൂസ്റൂം വാർത്തകൾ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക