April 09, 2023
April 09, 2023
ന്യൂസ്റൂം ബ്യൂറോ
ദുബായ്: ലോകത്തിലെ ഏറ്റവും വലിയ പുസ്തകമേളയായ 'ബിഗ് ബാഡ് വോള്ഫ് ബുക്ക്സ്' പ്രദര്ശനവും വില്പനയും ദുബായില് ആരംഭിച്ചു. ദുബായ് കള്ചര് ചെയര് പേഴ്സണ് ശൈഖ് ലത്വീഫ്
ബിന്ത് മുഹമ്മദ് ബിന് റാശിദ് അല് മക്തൂം പുസ്തക പ്രദര്ശനം ഉദ്ഘാടനം ചെയ്തു. ഏപ്രില് 16 വരെ നീണ്ടുനില്ക്കുന്ന മേളയില് പത്തു ലക്ഷത്തിലേറെ പുസ്തകങ്ങളുടെ പ്രദര്ശനവും വില്പനയും ഉണ്ടായിരിക്കുമെന്ന് അധികൃതര് വ്യക്തമാക്കി.
കോവിഡിന്റെ സാഹചര്യത്തില് രണ്ടു വര്ഷം മുടങ്ങിപോയ മേളയുടെ നാലാം എഡീഷനാണ് നിലവില് നടക്കുന്നത്. ബിസിനസ്, ഡിസൈന്, കുക്കറി, ബാലസാഹിത്യം തുടങ്ങി വിവിധ മേഖലകളിലെ പുസ്തകങ്ങള് ലഭ്യമാണ്. 50 മുതല് 80 ശതമാനം വിലക്കിഴില് പുസ്തകങ്ങള് വാങ്ങാനാകും എന്നതാണ് മേളയുടെ പ്രധാന ആകര്ഷണം. ദുബായ് കള്ചര് ആന്ഡ് ആര്ട്സ് അതോറിറ്റിയുമായി സഹകരിച്ചാണ് വില്പന ഒരുക്കിയിട്ടുള്ളത്. മേളയിലേക്കുള്ള പ്രവേശനം സൗജന്യമാണ്. മേളയുടെ പ്രവര്ത്തനം രാവിലെ 10 മുതല് പുലര്ച്ചെ 2 വരെയാണ്.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI