November 27, 2023
November 27, 2023
ഗസ :ഗസയിൽ സാധാരണക്കാരായ ജനങ്ങളെ കൊന്നൊടുക്കാൻ അമേരിക്കൻ കൂലിപ്പട്ടാളവും ഇസ്രായേൽ സൈന്യത്തിനൊപ്പം ചേർന്നതായി റിപ്പോർട്ട്.നിരവധി ഓൺലൈൻ മാധ്യമങ്ങൾ പുറത്തുവിട്ട വീഡിയോ ദൃശ്യങ്ങളിലാണ് ഇതിനുള്ള തെളിവുകൾ കണ്ടെത്തിയത്.ഗസ ആക്രമണത്തിൽ ഇസ്രായേലിന് അമേരിക്ക ആയുധങ്ങൾ അടക്കമുള്ള സൈനിക സഹായം നൽകുന്നുണ്ടെങ്കിലും നേരിട്ട് ആക്രമണത്തിൽ പങ്കെടുക്കില്ലെന്നായിരുന്നു പ്രസിഡന്റ് ജോ ബൈഡൻ അറിയിച്ചിരുന്നത്.എന്നാൽ ഈ പ്രഖ്യാപനം തെറ്റാണെന്ന് തെളിയിക്കുന്നതാണ് ഇപ്പോൾ പുറത്തുവന്ന ദൃശ്യങ്ങൾ.
അധിനിവേശ ഫലസ്തീൻ പ്രദേശമായ ബീറിയിലും മറ്റ് പ്രദേശങ്ങളിലും ഫോർവേഡ് ഒബ്സർവേഷൻസ് ഗ്രൂപ്പിൽ (എഫ്ഒജി) നിന്നുള്ള അമേരിക്കൻ കൂലിപ്പടയാളികൾ ആക്രമണത്തിൽ പങ്കെടുത്തതായി തെളിയിക്കുന്ന ചിത്രങ്ങളാണ് പുറത്തുവന്നത്.ഇതുസംബന്ധിച്ച്, അൽ-ജസീറ നടത്തിയ അന്വേഷണത്തിലും ചിത്രങ്ങളിൽ ഉള്ളത് യുഎസ് കൂലിപ്പടയാളികളാണെന്ന് സ്ഥിരീകരിക്കുന്നു.
ഉക്രെയ്ൻ യുദ്ധത്തിൽ റഷ്യൻ സൈന്യത്തിനെതിരെ രഹസ്യമായി പങ്കെടുത്ത് കുപ്രസിദ്ധി നേടിയ അമേരിക്കൻ രഹസ്യ സൈനിക വിഭാഗമാണ് എഫ്ഒജി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F