March 27, 2023
March 27, 2023
ന്യൂസ്റൂം ബ്യൂറോ
അബുദാബി: മക്കൾക്ക് സ്കൂൾ അഡ്മിഷൻ കിട്ടാതെ മലയാളി രക്ഷിതാക്കളടക്കമുള്ള പ്രവാസികൾ ആശങ്കയിൽ. സ്കൂളിന്റെ ശേഷിയേക്കാളധികം വിദ്യാർത്ഥികളെ ചേർക്കുന്നത് അബുദാബി വിദ്യാഭ്യാസ വിജ്ഞാന വകുപ്പ് (അഡെക്) വിലക്കിയതോടെയാണിത്. ഇതോടെ കൂടുതൽ വിദ്യാർത്ഥികളുള്ള സ്കൂളുകൾ നിശ്ചിത എണ്ണം കുറയ്ക്കാനും അധികൃതർ നിർദ്ദേശം നൽകിയിട്ടുണ്ട്. അബുദാബി,അൽ ഐൻ എന്നിവടങ്ങളിലെ സ്കൂളുകൾക്കാണ് കർശന നിർദ്ദേശം നൽകിയിരിക്കുന്നത്.
ജോലി മാറ്റം മൂലം വിവിധ സ്ഥലങ്ങളിലേക്കു താമസം മാറിയവരും, യുഎഇയിലേക്ക് കുടുംബമായെത്തുന്ന പ്രവാസികളുടെയും മക്കളാണ് സ്കൂൾ അഡ്മിഷൻ കിട്ടാതെ വിഷമിക്കുന്നത്.. വിലയ ഫീസ് നൽകി വിദേശ സിലബസ് സ്കൂളിൽ മക്കളെ ചേർക്കാൻ സാമ്പത്തിക ശേഷിയില്ലാത്ത ധാരാളം പ്രവാസികൾ കുടുംബത്തെ നാട്ടിലേക്ക് തിരിച്ചയയ്ക്കാനുള്ള തീരുമാനത്തിലാണ്. മാർച്ചിലെ വാർഷിക പരീക്ഷ കഴിഞ്ഞ് ഏപ്രിൽ 10ന് പുതിയ അധ്യയന വർഷം തുടങ്ങും. ഏപ്രിലിൽ അധ്യയനം തുടങ്ങുന്നതിന് മുന്നോടിയായി ഒക്ടോബർ,നവംബർ മാസങ്ങളിൽ തന്നെ അഡ്മിഷനെടുക്കുന്ന പതിവ് ഉണ്ട്. എന്നാൽ പുതിയ അധ്യയന വർഷം ആരംഭിക്കാനിരിക്കേ എവിടെയും സീറ്റില്ലെന്നാണ് ലഭ്യമാകുന്ന വിവരം.
ഗതാഗതക്കുരുക്ക് രൂക്ഷമാകുന്ന സാഹചര്യം പരിഗണിച്ചാണ് വിദ്യാഭ്യാസ വിജ്ഞാന വകുപ്പിന്റെ പുതിയ വിജ്ഞാപനമെന്നാണ് സൂചന.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക
https://chat.whatsapp.com/KIGk615xlF1ILlMGxpUXqI