September 10, 2019
September 10, 2019
ട്രക്കിനടിയിൽ പ്രത്യേകം അറയുണ്ടാക്കി അതിനുള്ളിൽ സ്ത്രീകൾ ഉൾപ്പെടെയുള്ളവരെ കുത്തിനിറച്ചാണ് ഇവരെ രാജ്യത്തേക്ക് കടത്താൻ ശ്രമിച്ചത്.
അബുദാബി : യുഎഇയില് സ്ത്രീകള് ഉള്പ്പെടെ 18 തൊഴിലാളികളെ ട്രക്കിനുള്ളില് ഒളിപ്പിച്ച നിലയില് കണ്ടെത്തി.അൽ ഐനിലെ ഖത്തം അൽ ശഖ്ല തുറമുഖ നഗരം വഴി രാജ്യത്തേക്ക് കടക്കാൻ ശ്രമിച്ച ഇവരെ ബുറൈമി - അൽഐൻ ചെക്പോസ്റ്റിൽ വെച്ചാണ് പോലീസ് പിടികൂടിയത്.സംഭവത്തില് അബുദാബി പൊലീസ് അന്വേഷണം ആരംഭിച്ചു.
ട്രക്കിനടിയിൽ പ്രത്യേകം അറയുണ്ടാക്കി അതിനുള്ളിൽ സ്ത്രീകൾ ഉൾപ്പെടെയുള്ളവരെ കുത്തിനിറച്ചാണ് ഇവരെ രാജ്യത്തേക്ക് കടത്താൻ ശ്രമിച്ചത്. നുഴഞ്ഞുകടക്കാന് ശ്രമിച്ചതിന് 18 പേരെയും തുറമുഖ പൊലീസിന്റെ സഹായത്തോടെ അബുദാബി പൊലീസ് അറസ്റ്റ് ചെയ്തു.
രാജ്യത്തിന്റെ സുരക്ഷയ്ക്കും ക്രമസമാധാനത്തിനും കോട്ടം തട്ടാതിരിയ്ക്കാനാണ് ട്രക്കില് അനധികൃതമായി രാജ്യത്തേയ്ക്ക് പ്രവേശിച്ച തൊഴിലാളികളെ അറസ്റ്റ് ചെയ്തതെന്ന് അബുദാബി പൊലീസ് പ്രതികരിച്ചു. ഇത്തരം നുഴഞ്ഞുകയറ്റം രാജ്യത്ത് അപകടമുണ്ടാക്കുന്നതാണെന്നും ഇവര് ചൂണ്ടിക്കാട്ടി.
നുഴഞ്ഞുകയറിയവര് ഒരു പക്ഷേ കൊലപാതകം, കവര്ച്ച, ആക്രമണം എന്നീ ഗുരുതര കുറ്റകൃത്യങ്ങളില് ഏര്പ്പെട്ടവരാകാം. അങ്ങിനെയുള്ളവര് രാജ്യത്തിനകത്ത് പ്രവേശിച്ചാല് വലിയ പ്രത്യാഘാതങ്ങള് ഉണ്ടാകും.
അറസ്റ്റിലായവരെ കുറിച്ച് വിശദമായ അന്വേഷണം നടത്തിവരികയാണ്.