February 06, 2022
February 06, 2022
ദോഹ : മിഡിൽ ഈസ്റ്റ് മേഖലയിലെ പ്രഥമഫുട്‍ബോൾ ലോകകപ്പിന് നവംബറിൽ കേളികൊട്ടുയരുകയാണ്. കഴിഞ്ഞ മാസം ആരംഭിച്ച ടിക്കറ്റ് വില്പനയ്ക്ക് മികച്ച പ്രതികരണമാണ് ലോകത്തിന്റെ നാനാഭാഗത്ത്‌ നിന്നും ലഭിക്കുന്നത്. വില്പനയുടെ ആദ്യഘട്ടം ചൊവ്വാഴ്ച്ച (ഫെബ്രുവരി 8ന് ) അവസാനിക്കും.
ഖത്തർ സമയം ഉച്ചക്ക് ഒരുമണിക്കാണ് ടിക്കറ്റ് ബുക്ക് ചെയ്യാനുള്ള സമയപരിധി അവസാനിക്കുക. ലക്ഷക്കണക്കിന് ആളുകൾ ടിക്കറ്റിന് അപേക്ഷ സമർപ്പിച്ചുകഴിഞ്ഞെന്നും, ഇപ്പോഴും അപേക്ഷകളുടെ ഒഴുക്ക് തുടരുകയാണെന്നും ഫിഫ അറിയിച്ചു. ഫിഫയുടെ ഔദ്യോഗിക വെബ്‌സൈറ്റ് വഴിയാണ് ടിക്കറ്റിന് അപേക്ഷ നൽകേണ്ടത്. മാർച്ച്‌ എട്ടിനാണ് ആർക്കൊക്കെ ആണ് ടിക്കറ്റ് ലഭിച്ചതെന്ന് അറിയാൻ കഴിയുക.
