December 31, 2021
December 31, 2021
അബുദാബി : കോവിഡ് വ്യാപനം വർധിക്കുന്ന സാഹചര്യത്തിൽ ചില വിഭാഗം സർക്കാർ ജീവനക്കാർക്ക് വീട്ടിലിരുന്ന് ജോലി ചെയ്യാമെന്ന് യുഎഇ. ഫെഡറൽ അതോറിറ്റി ഫോർ ഗവൺമെന്റ് ഹ്യൂമൻ റിസോഴ്സാണ് ഇതുസംബന്ധിച്ചുള്ള വിജ്ഞാപനം പുറത്തിറക്കിയത്. നേരത്തെ, പല എമിറേറ്റുകളിലെയും വിദ്യാർത്ഥികൾക്ക് രണ്ടാഴ്ച്ച കാലത്തോളം ഓൺലൈൻ ക്ലാസ് പ്രഖ്യാപിച്ചിരുന്നു. ഇതുകൂടി കണക്കിലെടുത്താണ് പുതിയ തീരുമാനം.
ഗുരുതരരോഗമുള്ള കുട്ടികളുടെ അമ്മമാർ, ആറാം ക്ലാസിന് താഴെ ഉളള ക്ലാസുകളിൽ പഠിക്കുന്ന വിദ്യാർത്ഥികളുടെ അമ്മമാർ, ദൃഢനിശ്ചയവിഭാഗത്തിൽ ഉൾപ്പെട്ടിട്ടുള്ള കുട്ടികളുടെ അമ്മമാർ തുടങ്ങിയവർക്കാണ് വീട്ടിൽ ഇരുന്ന് ജോലി ചെയ്യാൻ അനുമതി. ഭാര്യക്ക് ആരോഗ്യവകുപ്പിലോ വിദ്യാഭ്യാസവകുപ്പിലോ ആണ് ജോലി എങ്കിൽ ഭർത്താവിന് വർക്ക് ഫ്രം ഹോമിന് അപേക്ഷിക്കാം. ഇത്തരക്കാർക്ക് താല്പര്യം ഉണ്ടെങ്കിൽ ഓഫീസിൽ നേരിട്ടെത്തിയും ജോലി ചെയ്യാമെന്നും അധികൃതർ അറിയിച്ചു.