March 05, 2021
March 05, 2021
ദോഹ: മൊബൈല് ഫോണില് മാത്രം ലഭ്യമായിരുന്ന വാട്ട്സ്ആപ്പിന്റെ വോയ്സ്, വീഡിയോ കാള് സൗകര്യങ്ങള് ഇനി മുതല് ഡെസ്ക് ടോപ് പതിപ്പിലും ലഭിക്കും. കമ്പ്യൂട്ടറില് വാട്ട്സ്ആപ്പ് ഉപയോഗിക്കുന്ന ഉപഭോക്താക്കള്ക്ക് ഏറെ ആശ്വാസം നല്കുന്ന തീരുമാനമാണ് ഇത്.
അതേസമയം ഡെസ്ക്ടോപ്പ് ആപ്പില് ഗ്രൂപ്പ് വീഡിയോ കോള് സൗകര്യം ലഭിക്കില്ല. ഒരു സമയം ഒരാളെ മാത്രമേ ഡെസ്ക് ടോപ് പതിപ്പില് നിന്ന് വിളിക്കാന് കഴിയൂ. എന്നാല് ഡെസ്ക്ടോപ്പ് പതിപ്പില് ഗ്രൂപ്പ് കോള് സൗകര്യം ഉടന് തന്നെ അവതരിപ്പിക്കുമെന്നാണ് അറിയുന്നത്.
വാട്ട്സ്ആപ്പിന്റെ ഡെസ്ക്ടോപ്പ് ആപ്പില് മാത്രമാണ് വോയ്സ്, വീഡിയോ കോള് സൗകര്യം ലഭിക്കുക. വെബ് ബ്രൗസറുകളിലൂടെ ഉപയോഗിക്കുന്ന വാട്ട്സ്ആപ്പ് വെബ് സേവനത്തില് കോള് സൗകര്യം ഇല്ല.
വാട്ട്സ്ആപ്പിന്റെ വെബ്സൈറ്റില് നിന്ന് ഡെസ്ക്ടോപ്പ് ആപ്പ് കമ്പ്യൂട്ടറില് ഇന്സ്റ്റാള് ചെയ്താല് മാത്രമേ കമ്പ്യൂട്ടറില് വാട്ട്സ്ആപ്പ് വോയ്സ്, വീഡിയോ കോള് സൗകര്യം ലഭ്യമാവൂ. വിൻഡോസ്, മാക് കമ്പ്യൂട്ടറുകളിൽ സേവനം ഉപയോഗിക്കാം.
ന്യൂസ് റൂം വാര്ത്തകള് വാട്ട്സ്ആപ്പില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.
ന്യൂസ് റൂം വാര്ത്തകള് ടെലിഗ്രാമില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.