March 01, 2022
March 01, 2022
ദുബായ് : വീഡിയോ ആൽബങ്ങളിലൂടെയും വ്ലോഗിങ്ങിലൂടെയും ശ്രദ്ധേയയായ റിഫ മെഹ്നുവിനെ ദുബായിൽ മരിച്ച നിലയിൽ കണ്ടെത്തി. 20 വയസായിരുന്നു. കോഴിക്കോട് ജില്ലയിലെ ബാലുശ്ശേരി സ്വദേശിനിയാണ് റിഫ.
ദുബായ് ജാഫിലിയയിലെ താമസസ്ഥലത്താണ് മൃതദേഹം കണ്ടെത്തിയത്. ആത്മഹത്യ ആണെന്നാണ് പ്രാഥമിക നിഗമനം. കഴിഞ്ഞ ആഴ്ച്ച നാട്ടിൽ നിന്നും ദുബായിൽ എത്തിയ റിഫ, കഴിഞ്ഞ ദിവസം രാത്രി വരെ സമൂഹമാധ്യമങ്ങളിൽ സജീവമായിരുന്നുവെന്ന് സുഹൃത്തുക്കൾ പറഞ്ഞു. മൃതദേഹം നാട്ടിലെത്തിച്ച് സംസ്കരിക്കാനുള്ള നടപടികൾ ആരംഭിച്ചതായി ബന്ധുക്കൾ അറിയിച്ചു.