September 18, 2021
September 18, 2021
അഫ്ഗാനിസ്താനിലെ പത്തോളം പൗരന്മാർ ഡ്രോൺ ആക്രമണത്തിൽ കൊല്ലപ്പെട്ടതിൽ ക്ഷമ ചോദിച്ച് അമേരിക്ക. ആഗസ്ത് 29 നാണ് അമേരിക്കൻ ആക്രമണത്തിൽ 7 കുട്ടികളടക്കം പത്ത് പേർക്ക് ജീവൻ നഷ്ടപ്പെട്ടത്. കാബൂൾ വിമാനത്താവളത്തിൽ ഉണ്ടായ ചാവേറാക്രമണത്തിന് തിരിച്ചടി നൽകാനുള്ള അമേരിക്കയുടെ ശ്രമമാണ് ദുരന്തത്തിൽ കലാശിച്ചത്.
സംഭവത്തിന്റെ പൂർണ ഉത്തരവാദിത്തം തനിക്കാണെന്നും, പിഴവിൽ നിന്നും പാഠം ഉൾകൊള്ളുമെന്നും അമേരിക്കൻ സേനാ മേധാവി ജനറൽ ഫ്രാങ്ക് മക്കൻസി അറിയിച്ചു. തീവ്രവാദികളെയാണ് കൊലപ്പെടുത്തിയത് എന്ന് അമേരിക്ക ആദ്യഘട്ടത്തിൽ വാദിച്ചിരുന്നു. എന്നാൽ കൃത്യമായ അന്വേഷണം നടന്നതോടെ നിരപരാധികളാണ് കൊല്ലപ്പെട്ടത് എന്ന് തെളിഞ്ഞു. ജീവൻ നഷ്ടപ്പെട്ടവരുടെ ബന്ധുക്കളുടെ അഗാധദുഃഖത്തിൽ പങ്കുചേർന്നതായും അമേരിക്കൻ സൈനികവൃത്തങ്ങൾ അറിയിച്ചു.