March 18, 2022
March 18, 2022
അബുദാബി : 48 മണിക്കൂർ മുൻപെങ്കിലും എടുത്ത പീസീആർ പരിശോധനാ ഫലം ഹാജരാക്കുന്നവർക്ക് പൊതുപരിപാടികളിൽ പങ്കെടുക്കാമെന്ന് ദേശീയ ദുരന്തനിവാരണ സമിതി അറിയിച്ചു. സന്ദർശക, ടൂറിസ്റ്റ് വിസയിൽ എത്തുന്നവർക്കും ഈ ഇളവ് ലഭിക്കും. നേരത്തെ, വാക്സിനേഷൻ പൂർത്തിയാക്കിയവർക്ക് മാത്രമാണ് പൊതുപരിപാടികളിൽ പ്രവേശനം നൽകിയിരുന്നത്.
പീസീആർ പരിശോധനയിൽ നെഗറ്റീവ് ആയാൽ അൽഹൊസൻ അപ്ലിക്കേഷനിൽ ഗ്രീൻ പാസ് ലഭിക്കും. ഇതുപയോഗിച്ച് പരിപാടികളിൽ പ്രവേശിക്കാം. പീസീആർ പരിശോധന നടത്തുന്ന താമസക്കാർക്ക് 14 ദിവസവും, സന്ദർശക വിസയിൽ ഉള്ളവർക്ക് 7 ദിവസവുമാണ് ഗ്രീൻ പാസ് ലഭിക്കുക. ഇതിന്റെ കാലാവധി കഴിഞ്ഞാൽ വീണ്ടും പീസീആർ പരിശോധന നടത്തണം. 16 വയസിൽ താഴെയുള്ളവർക്ക് ഈ നിബന്ധനകളിൽ ഇളവുണ്ടെന്നും അധികൃതർ വ്യക്തമാക്കി.