February 01, 2022
February 01, 2022
ദുബായ് : ബിസിനസ് വരുമാനത്തിന് ഒൻപത് ശതമാനം കോർപറേറ്റ് നികുതി ചുമത്താനുള്ള നീക്കവുമായി യു.എ.ഇ. 375000 ദിർഹത്തിന് മുകളിൽ വിറ്റുവരവുള്ള ബിസിനസ് സംരംഭകരാണ് നികുതി നൽകേണ്ടത്. ജൂൺ ഒന്നിന് ആരംഭിക്കുന്ന പുതിയ സാമ്പത്തിക വർഷം മുതൽ ഈ വ്യവസ്ഥ നടപ്പിലാക്കും.
ചെറുകിട, ഇടത്തര ബിസിനസ് സംരഭങ്ങളെ പ്രോത്സാഹിപ്പിക്കാനാണ് കോർപറേറ്റ് നികുതി ഏർപ്പെടുത്തുന്നതെന്ന് ധനകാര്യ മന്ത്രാലയം വ്യക്തമാക്കി. അതേസമയം, തൊഴിലിൽ നിന്നും വേതനമായി ലഭിക്കുന്ന തുകയ്ക്കും, റിയൽ എസ്റ്റേറ്റ്, മറ്റ് നിക്ഷേപങ്ങൾ തുടങ്ങിയവയിൽ നിന്ന് ലഭിക്കുന്ന വരുമാനത്തിനും നികുതി നൽകേണ്ടതില്ല. അംഗീകൃത ബിസിനസ് പ്രവർത്തനങ്ങളിലൂടെ സമാഹരിക്കുന്ന തുക മാത്രമാണ് നികുതിയുടെ പരിധിയിൽ വരിക.