January 18, 2022
January 18, 2022
ദുബായ് : അബുദാബിയിൽ ഡ്രോൺ ആക്രമണം നടത്തിയ ഹൂത്തി വിമതർക്ക് ശക്തമായ ഭാഷയിൽ തന്നെ മറുപടി നൽകുമെന്ന് യു.എ.ഇ. പ്രസിഡന്റിന്റെ നയതന്ത്ര ഉപദേഷ്ടാവായ ഡോ. അൻവർ ഗർഗാഷാണ് ട്വിറ്ററിലൂടെ നയം വ്യക്തമാക്കിയത്. അബുദാബിയിൽ ഹൂത്തികൾ നടത്തിയ ആക്രമണത്തിൽ രണ്ട് ഇന്ത്യക്കാരടക്കം മൂന്ന് പേർക്ക് ജീവൻ നഷ്ടപെട്ടിരുന്നു. ഇവരുടെ മൃതദേഹങ്ങൾ വിട്ടുകിട്ടാൻ ഇന്ത്യൻ എംബസിയുടെ നേതൃത്വത്തിൽ ഊർജിത ശ്രമങ്ങൾ നടക്കുകയാണ്.
യു.എ.ഇ യെ കൂടാതെ സൗദി സഖ്യത്തിലെ മറ്റ് രാജ്യങ്ങളും ഹൂത്തികൾക്കെതിരെ നടപടികൾ കടുപ്പിക്കുമെന്ന് വ്യക്തമാക്കി രംഗത്തെത്തിയിരുന്നു. യമനെതിരെ സൗദി കഴിഞ്ഞ 24 മണിക്കൂറിൽ കനത്ത ആക്രമണം അഴിച്ചുവിടുകയും ചെയ്തു. വിവിധ ആക്രമണങ്ങളിലായി 230 ഹൂത്തി ഭീകരരെ വധിച്ചതായി സൗദി സഖ്യസേന അറിയിച്ചു. അബുദാബിയിൽ നടന്ന സംഭവത്തിൽ ലോകരാഷ്ട്രങ്ങളും അറബ് ലീഗും അപലപിച്ചിരുന്നു.