December 11, 2021
December 11, 2021
ദുബൈ : കഴിഞ്ഞ ആഴ്ച റാഷിദിയയിലെ നാദ് അൽ ഷമ്മ പാർക്കിൽ കാണാതായ മലയാളി യുവാവിനെ കണ്ടെത്തി. തൃശ്ശൂർ അയ്യന്തോൾ സ്വദേശികളായ സത്യന്റെയും മഞ്ജുവിന്റെയും മകൻ മനീഷ് സത്യനെയാണ് യൂണിയൻ മെട്രോ സ്റ്റേഷനിൽ കണ്ടെത്തിയത്.
പാർക്കിലൂടെ അച്ഛനൊപ്പം വൈകുന്നേരം നടക്കാനിറങ്ങിയ വേളയിലാണ് മനീഷിനെ കാണാതായത്. ഇരുവരും രണ്ട് റൗണ്ട് നടന്ന ശേഷം വിശ്രമിക്കാനായി ബെഞ്ചിലിരുന്ന മനീഷിനെ പിന്നീട് കാണാതാവുകയായിരുന്നു. പത്രവാർത്തകളിലൂടെ മനീഷിനെ തിരിച്ചറിഞ്ഞ ഒരു വനിതയാണ് മെട്രോ സ്റ്റേഷനിൽ നിന്നും മാതാപിതാക്കളെ ഫോൺ ചെയ്തത്. പിന്നാലെ, ഇരുവരുമെത്തി മകനെ കൂട്ടിക്കൊണ്ടുപോയി. കഴിഞ്ഞ നാല് ദിവസമായി നടക്കുകയായിരുന്ന മനീഷ് തീർത്തും അവശനായ നിലയിലായിരുന്നു.