February 25, 2022
February 25, 2022
അബുദാബി : യു.എ.ഇ. ക്കെതിരെ നിരന്തരം ആക്രമണം നടത്തുന്ന ഹൂത്തി വിമതർക്ക് സഹായങ്ങൾ നൽകിയതായി കണ്ടെത്തിയ അഞ്ച് സ്ഥാപനങ്ങളെ തീവ്രവാദ പട്ടികയിൽ പെടുത്തിയതായി യു.എ.ഇ മന്ത്രിസഭ അറിയിച്ചു. സ്ഥാപനങ്ങൾ കൂടാതെ അബ്ദോ അബ്ദുള്ള ദാഇൽ അഹ്മദ് എന്ന വ്യക്തിയെയും ഈ പട്ടികയിൽ ചേർത്തിട്ടുണ്ട്.
ഇവർ സാമ്പത്തികമായും, മറ്റ് മാർഗങ്ങൾ ഉപയോഗിച്ചും ഹൂത്തികളെ സഹായിച്ചതായി തെളിവുകൾ ലഭിച്ചതോടെയാണ് നടപടി. തീവ്രവാദ പട്ടികയിൽ ചേർക്കപ്പെട്ട സ്ഥാപനങ്ങളുമായും വ്യക്തികളുമായും ഇടപാടുകൾ നടത്തിയ മുഴുവൻ ആളുകളെയും കണ്ടെത്താൻ വിശദമായ അന്വേഷണം നടത്തുമെന്നും അധികൃതർ അറിയിച്ചു. ഇവരുമായി ബന്ധപ്പെട്ടവരുടെ സാമ്പത്തിക സ്രോതസുകൾ 24 മണിക്കൂറിനകം മരവിപ്പിച്ചേക്കും.