December 02, 2021
December 02, 2021
കോവിഡിന്റെ പുതിയ പതിപ്പായ ഒമിക്രോൺ വകഭേദം റിപ്പോർട്ട് ചെയ്യുന്ന രണ്ടാമത്തെ അറബ് രാജ്യമായി യുഎഇ. ആഫ്രിക്കയിലെ ഒരു രാജ്യത്ത് നിന്നെത്തിയ യുവതിക്കാണ് ഒമിക്രോൺ രോഗബാധ സ്ഥിരീകരിച്ചത്. രാജ്യം ഏതെന്ന് അധികൃതർ വെളിപ്പെടുത്തിയിട്ടില്ല. നേരത്തെ സൗദി അറേബ്യയിലും ഒമിക്രോൺ വകഭേദത്തിന്റെ സാന്നിധ്യം റിപ്പോർട്ട് ചെയ്തിരുന്നു.
ഒമിക്രോൺ കോവിഡ് ബാധിച്ച യുവതി രണ്ട് ഡോസ് വാക്സിനും എടുത്തിരുന്നുവെന്നും, ഇവരിൽ രോഗലക്ഷണങ്ങൾ പ്രകടമായിരുന്നില്ലെന്നും ആരോഗ്യമന്ത്രാലയം അറിയിച്ചു. ഇവരുമായി സമ്പർക്കം പുലർത്തിയവരെ കൃത്യമായി നിരീക്ഷിക്കുന്നുണ്ട്. ജനങ്ങൾ ഭയചകിതരാവേണ്ട ഘട്ടമില്ലെന്നും, ആരോഗ്യരംഗം സുസജ്ജമാണെന്നും യുഎഇ അറിയിച്ചു.