March 17, 2022
March 17, 2022
ടെഹ്റാൻ : ഇറാനിൽ യു.എ.ഇ.യുടെ കാർഗോ കപ്പൽ പ്രതികൂല കാലാവസ്ഥയെ തുടർന്ന് അപകടത്തിൽ പെട്ടു. അസലൗയ തുറമുഖത്ത് നിന്നും അൻപതോളം കിലോമീറ്റർ അകലെയാണ് കപ്പൽ മുങ്ങിയത്. കൊടുങ്കാറ്റിന്റെ സാന്നിധ്യം ഉള്ളതിനാൽ ഇറാനിൽ ഇന്ന് റെഡ് അലേർട്ട് പ്രഖ്യാപിച്ചിരുന്നു.
കപ്പലിൽ 30 ജീവനക്കാരായിരുന്നു ഉള്ളത്. പ്രാഥമിക റിപ്പോർട്ടുകൾ പ്രകാരം ഇവരിൽ ഇന്ത്യക്കാരും ഉൾപ്പെടുന്നുണ്ട്. നാവിക സേനയുടെ നേതൃത്വത്തിൽ നടത്തിയ രക്ഷാപ്രവർത്തനത്തിലൂടെ 29 പേരെ രക്ഷിച്ചതായും, അവശേഷിച്ച ഒരാൾക്കായുള്ള തിരച്ചിൽ തുടരുന്നതായും ഇറാനിയൻ ഔദ്യോഗിക വൃത്തങ്ങൾ അറിയിച്ചു. പല മിഡിൽ ഈസ്റ്റ് രാജ്യങ്ങളുമായും അസ്വാരസ്യം നിലനിൽക്കുന്നുണെങ്കിലും, ഇറാനും യു.എ.ഇ. യും തമ്മിൽ വ്യാപാരക്കരാറുകളിൽ ഏർപെടുന്നുണ്ട്. ഇതിന്റെ ഭാഗമായാണ് കപ്പൽ ഇറാൻ തീരത്തെത്തിയത്.