April 12, 2022
April 12, 2022
ദുബായ് : ജി.സി.സി രാജ്യങ്ങൾക്ക് ഏകീകൃത പേയ്‌മെന്റ് സംവിധാനം നിർമിക്കാനുള്ള കരാറിന് യു.എ.ഇ യുടെ അംഗീകാരം. യു.എ.ഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ്‌ അൽ മക്തൂമിന്റെ അധ്യക്ഷതയിൽ ചേർന്ന മന്ത്രിസഭാ യോഗമാണ് ഈ കരാറിന് അംഗീകാരം നൽകിയത്.
ഖത്തറിന്റെ നേതൃത്വത്തിലാണ് പേയ്‌മെന്റ് സംവിധാനം ഏകീകരിക്കാനുള്ള നടപടികൾ പുരോഗമിക്കുന്നത്. പദ്ധതി പ്രാവർത്തികമായാൽ, വാഹനങ്ങൾ നടത്തുന്ന നിയമലംഘനങ്ങൾക്ക് പിഴ ഈടാക്കുന്നത് അടക്കമുള്ള നടപടികൾ കൂടുതൽ സുഗമമാകും. ഈ കരാർ കൂടാതെ നിർണ്ണായകമായ മറ്റ് ചില തീരുമാനങ്ങളും മന്ത്രിസഭ പാസാക്കി. ജീവകാരുണ്യപ്രവർത്തനങ്ങളുടെ ഏകോപിപ്പിക്കാൻ വിവിധ രാജ്യങ്ങളിൽ ഓഫീസുകൾ ആരംഭിക്കാനും, കുടുംബകാര്യങ്ങളിലെ കൗൺസിലിംഗ് വിദഗ്ധർക്ക് ലൈസൻസ് നൽകാനുള്ള മാനദണ്ഡം ഏകീകരിക്കാനും യു.എ.ഇ മന്ത്രിസഭ തീരുമാനിച്ചു.
