February 17, 2022
February 17, 2022
അബുദാബി : ദുബായിൽ നിന്നും വാഷിങ്ങ്ടണിലേക്ക് പറന്ന എയർവേയ്സിന്റെ വിമാനം താഴ്ന്നുപറന്ന സംഭവത്തിൽ യു.എ.ഇ ഏവിയേഷൻ അധികൃതർ നടത്തിയ അന്വേഷണത്തിന്റെ റിപ്പോർട്ട് പുറത്ത്. കഴിഞ്ഞ വർഷം ഡിസംബർ 19 നാണ് എമിറേറ്റ്സിന്റെ ബോയിങ് 777 വിമാനം ജനവാസമേഖലയിലൂടെ താഴ്ന്നു പറന്നത്.
വിമാനത്തെ ഓട്ടോ പൈലറ്റ് മോഡിലേക്ക് മാറ്റുമ്പോൾ സംഭവിച്ച പിഴവാണ് വിമാനം താഴ്ന്നു പറക്കാൻ കാരണമെന്നാണ് അന്വേഷണസംഘത്തിന്റെ കണ്ടെത്തൽ. 4000 അടി ഉയരത്തിൽ പറക്കേണ്ടിയിരുന്ന വിമാനം ഏറെ താഴ്ന്നാണ് ദുബായ് വിമാനത്താവളത്തിൽ നിന്നും പറന്നുയർന്നത്. 354 യാത്രക്കാരും 18 ജീവനക്കാരുമടക്കം 372 യാത്രക്കാരാണ് വിമാനത്തിൽ ഉണ്ടായിരുന്നത്. വിമാനത്തിന്റെ കോക്ക്പിറ്റിലെ റെക്കോർഡിങ്ങുകളിൽ കൃത്രിമം നടന്നതായും യു.എ.ഇ യുടെ റിപ്പോർട്ടിൽ ഉണ്ടെങ്കിലും, ഇതിന്റെ കാരണത്തെ കുറിച്ച് സൂചനയില്ല.